LEXO PA REKLAMA!

SHKARKO APP

“KQZ do udhëheqë procesin”/ Gjiknuri: Emigrantët mund të votojnë me postë elektronike

22 Qershor 2020, 15:19, Politikë CNA

Bashkëkryetari i Reformës Zgjedhore Damian Gjiknuri, tregoi se është Komisoni Qendror i zgjedhJeve ai që do të merret me votën e emigrantëve.

Gjiknuri tha gjatë mbledhjes emigrantët do të mund të votojnë me postë elektronike nga shteti ku ndodhen.

Ai theksoi se e drejta e votës është sanksionuar dhe emigranti me banim jashtë vendit duhet të jetë regjistruar në regjistrin e gjendjes civile.

?Nuk është ideja të vendosësh një koncept, por si ta zbatosh atë. Në Kod u sanksionua dhe do jetë KQZ-ja që do udhëheq procesin dhe do të merret me votën e emigrantëve dhe për të bërë aktet nënligjore. Ne nuk ishim në gjendje të detajonim se si të funksionojë dërgimi i votës me postë. Pra, çdo emigrant i regjistruar në një regjistër, automatikisht do të gjenerohet në listën e zgjedhësve.

E drejta është sanksionuar, duhet që emigranti me banim jashtë vendit duhet të jetë regjistruar në regjistrin e gjendjes civile, infrastruktura është gati dhe elementi që kemi vendosur është që vota do të llogaritet në qarkun e Tiranës për arsye sepse ashtu funksionin mënyra e regjistrit unik të gjendjes civile. Emigrantët e regjistruar dalin në një listë unike dhe ne menduam që kjo votë të shkojë në qarkun e Tiranës.

Për zgjedhjet e para numri mund të jetë i vogël, por nëse do të mund ta aplikojmë në këto zgjedhje me një numër të vogël do të nxjerrim mësimet tona dhe më pas të shtrihet dhe të hapet diskutimi Kushtetues nëse emigrantët duhet të kenë zonë më vete apo jo. Menduam që meqenëse është listë unike, vota  e tyre të llogaritet në qarkun e Tiranës që ka më shumë mandate?, nënvizoi socialisti./ CNA.al

Lajmet e fundit nga