Toni i moderuar apo ai i vrazhdë, është mënyra më e mirë për t’u marrë vesh me adoleshentët?/ Ja çfarë thotë studimi

7 Tetor 2019, 08:58, Blog CNA

Një studim i ri, ka studiuar rolin që luan toni i zërit, kur prindërit komunikojnë me fëmijët e tyre adoleshentë. Studimi i drejtuar nga dr.Neta Ueinshtein nga Universiteti i Kardifit në Uells, përfshiu më shumë se 1.000 njerëz të moshës 14-15 vjeç.

Ai është i pari në llojin e vet që studoi mënyrën se si njerëzit reagojnë ndaj toneve të ndryshme të zërit, kur marrin udhëzime nga nënat e tyre. I botuar në revistën ?Psikologjia e zhvillimit?, studimi përfshiu 486 meshkuj dhe 514 femra në grupmoshën e sipërmendur.

Shkencëtarët shpërndanë rastësisht secilin nga pjesëmarrësit, në një nga 3 grupet. Më pas për secilin nga grupet u transmetuan 30 mesazhet zanore të regjistruara që kishin dërguar nënat e adoleshentëve. Fjalët në këto mesazhe ishin identike, por gratë përdornin 3 tone të ndryshme zëri.

Ato i dërguan mesazhet me një ton zëri që ishte ose kontrollues, ose mbështetës i autonomisë së fëmijëve të tyre, ose neutral. Ekipi i përcaktoi tonet kontrolluese që të dukeshin si një përpjekje për të nxitur ose detyruar fëmijët e tyre të kryenin një veprim specifik, ndërsa toni mbështetës i autonomisë së tyre, shprehte inkurajim dhe mbështetje.

Frazat ishin të gjitha udhëzime specifike që përqendroheshin rreth shkollës ose punës shkollore, të tilla si ?Sot do të lexosh këtë libër ? ose ?Tani është koha të shkosh në shkollë?. Pasi adoleshentët dëgjuan mesazhet, ata iu nënshtruan një pyetësori, se si do të ndjeheshin nëse nëna e tyre do t?i kishte dhënë udhëzime me atë ton të veçantë të zërit.

Ata që dëgjuan një ton zëri kontrollues, kishin një reagim më negativ ndaj udhëzimeve. Nga ana tjetër, ata që dëgjuan nënën duke përdorur një ton zëri mbështetës të autonomisë, kishin përgjigje pozitive, veçanërisht në krahasim me ata që i dëgjuan mesazhet me një ton zëri neutral.

Autorët e studimit thanë se rezultatet e studimit ?sugjerojnë se mënyra se si gratë moduluan zërin e tyre kur intonuan të njëjtat mesazhe verbale, ndikoi në reagimet emocionale dhe sjelljen e adoleshentëve?.

?Prindërit e adoleshentëve mund të jenë sfidues. Dhe mund të jetë e lehtë për ta të përdorin një ton më të ashpër në komunikim. Sidoqoftë, ky lloj toni nuk do të sjellë rezultatet që ata dëshirojnë. Adoleshentët, ashtu si fëmijët e vegjël, tërhiqen më shumë nga vëmendja pozitive. Dhe kjo do të thotë që adoleshenti duhet të lejohet të flasë, dhe të dëgjohet me kujdes për ato që duhet të thotë?- thotë Ueinshtein.

Ajo thekson se ajo që duhet të kenë parasysh prindërit dhe edukatorët, është se toni i zërit të tyre ka rëndësi kur i drejtohen adoleshentëve. ?Adoleshentët ka të ngjarë të ndjehen më të kujdesshëm dhe më të lumtur, dhe për pasojë të përpiqen të arrijnë rezultate më të mira në shkollë, kur prindërit dhe mësuesit flasin me tone mbështetjeje, sesa duke përdorur një ton të ashpër autoritar?.

Bashkëautorja e studimit, Silke Paulman e Universitetit Eseks në Britaninë e Madhe, theksoi:?Këto rezultate ilustrojnë më së miri se sa thelbësore në të gjitha bisedat tona, ëhstë zgjedhja e tonit të duhur për të komunikuar?. Ky studim, megjithëse relativisht i vogël, është hapi i parë në këtë drejtim.

Autorët e studimit, vërejnë ndërkohë disa kufizime, përfshirë edhe faktin që ata përdorën vetëm zërat e grave. Shkencëtarët e kësaj fushe, do të duhet të kryejnë shumë më tepër kërkime, që do t?i ndihmojnë ata të kuptojnë më qartë shkallën e efekteve të tonit të zërit.

Ekipi shpreson të marrë në të ardhmen të dhëna, sesi toni i zërit mund të ndikojë në reagimet fizike, përfshirë rrahjet e zemrës. Ata do të vëzhgojnë se për sa kohë do të zgjasin këto lloj efektesh. Edhe pse studim nuk përfshiu zërat e baballarëve, autorët besojnë se çdo prind ose kujdestar i një fëmije adoleshent, duhet t?i përdorë këto gjetje për të gjetaur gjuhën e përbashkët me të rinjtë./ Përshtatur nga CNA.al.