web counter
LEXO PA REKLAMA!

SHKARKO APP

App Store
Google Play

E fundit!

x

“Kontratat që firmosi një ditë para largimit”/ Akuza të forta ndaj ish-kryebashkiakes së LSI

29 Gusht 2019, 11:50, Politikë CNA

Kryebashkiaku i ri socialist i Gjirokastrës Flamur Golemi, ka hedhur akuza të forta në drejtim të ish-kryebashkiakes Zamira Rami, e cila vinte nga radhët e LSI-së.

Gjatë mbledhjes së parë të Këshillit Bashkiak të Gjirokastrës, Flamur Golemi ka akuzuar Zamira Ramin për abuzime me fondet.

Sipas tij, Rami ka firmosur disa kontrata miliona lekë një ditë përpara se të linte zyrën.

Golemi tha gjithashtu se kryetari i LSI në Përmet paguhej nga bashkia si nëndrejtor i agjensisë se mirëqënies sociale.

?Gjeta në bashki punonjës që nuk kishin ardhur kurrë në punë, jemi e vetmja bashki që kishim të punësuar 2 gazetarë.

Gjeta kryetarin e LSI në Përmet që paguhej nga bashkia si nëndrejtor i agjensisë se mirëqënies sociale. 90% e financave janë shpenzuar në 6 muaj nga buxheti i vitit të kaluar.

Abuzimet në bashkinë e Gjirokastrës nga ish- kryebashkiakja kanë qenë të mëdha.

Kontrata miliona lekë janë firmosur nga Zamira Rami, një ditë para se të merrja detyrën ka firmosur një kontratë që duhet ta garantojë tashmë bashkia e re. 210 mije lekë për të hapur një gropë për të varrosur të vdekurit.

Kontrata për varrezat e nënshkruar nga kryebashkiakja për të favorizuar të afërm të saj që kanë pronësi agjensi funerale?, u shpreh Golemi, duke paralajmëruar përballjen me drejtësinë e atyre që kanë kryer këto abuzime.





Lajmet e fundit nga