LEXO PA REKLAMA!

SHKARKO APP

Urimi "special" i deputetit: Të shpërndahet Parlamenti, zgjedhje të parakohëshme

28 Gusht 2019, 17:39, Politikë CNA

“Nuk më intereson mandati i deputetit para të ardhmes së vendit, pasi mandati im mund të jetë shumë i vlefshëm për elektoratin që përfaqësoj, por ai nuk vlen për zgjidhjen e krizës”. Kështu shkruan në një postim të bërë në faqen e tij në rrjetet sociale deputeti i listës së Partisë Demokratike të qarkut të Beratit, Lefter Maliqi. Teksti i mesazhit është shprehje revolte e deputetit ndaj kapjes së institucioneve nga kryeministri Edi Rama, gjë që ka bllokuar dhe fonksionimin e demokracisë.

“Të dashur miq të hënën ora 17:00 dt 02 shtator fillon seanca e parë parlamentare në sesionin e dytë. Shpresoj dhe besoj që Parlamenti aktual të shpërndahet para vitit të ri dhe vendi të kaloj në zgjedhje të parakohshme. Nuk më intereson mandati i deputetit para të ardhmes së vendit, pasi mandati im mund të jetë shumë i vlefshëm për elektoratin që përfaqësoj, por ai nuk vlen për zgjidhjen e krizës, pasi Parlamenti nuk është demokratik por i kapur nga mazhoranca. Po kështu pushteti lokal dhe të gjitha institucionet janë të kapura nga Rama. Ska as drejtësi të pavarur, as polici të depolitizuar, as pushtet lokal demokratik, por ka vetëm shenja të instalimit të diktaturës, varfëri në popull, shkelje të të drejtave të njeriut, abuzime, korrupsion, drogë, vrasje, aksidente, paaftësi në drejtimin e administratës dhe shantazhime e kërcënime për punonjësit e shtetit. Kudo rritje cmimesh e taksash, vjedhje, burgosje politike, kapje të medias së lirë dhe kercenime. Krimi, bandat, oligarkët, të fortët po sundojnë shtetin. Zgjidhja e vetme e kësaj krize të rëndë politike dhe ekonomike mbeten zgjedhjet e lira e të ndershme të parakohëshme lokale dhe parlamentare me cdo mjet demokratik ,protesta te qendrueshme masive ose me nderhyrjen e nderkombtarëve, shkruan deputeti Lefter Maliqi./CNA.al

Lajmet e fundit nga