LEXO PA REKLAMA!

SHKARKO APP

Përfundon mbledhja e Partisë Socialiste/ Bushati tregon çfarë u diskutua

28 Gusht 2019, 18:20, Politikë CNA

Pas më shumë se dy orësh dikutime, ka përfunduar mbledhja e Kryesisë së PS. I pari që është larguar nga selia rozë ka qenë ish ministri i Jashtëm, Ditmir Bushati, i cili, teksa foli për mediat, tha se është kohë për një reformë brenda partive poltike, ndërsa ka kërkuar ndjesë publike për rastin e Valdrin Pjetrit, rasti i të cilit ka zotëruar diskutimet e mbledhjes së Kryesisë, së bashku me nevojën e ristrukturimit të strukturave të gjithë bashkive të vendit.

?Partia Socialiste ka mundësi të ofrojë shumë njerëz më të mirë. Rrënjët e këtij fenomeni kanë nevojë për një reformë poltike, për një sistem të ri llogaridhënës.

Na falni për rastin në fjalë. Por askush nuk ka pse të ndjehet i ligështuar për shkak të një vendimarrjeje të gabuar. Ne kemi përgjegjësinë për ta çrrënjosur këtë fenomen dhe gabimet që kemi bërë në të shkuarën, kur përfshim në poltikën tonë njerez që kishin të shkuar të dyshimtë.

Me rastin e fundit në Shkodër, kemi para një fenomen të cilin duhet ta trajtojmë në mënyrën më agresive të mundshme?, u shpreh Bushati./CNA.al

 

Lajmet e fundit nga