LEXO PA REKLAMA!

SHKARKO APP

Bushati kryqëzon Ramën/ Vendim i gabuar, jep llogari

28 Gusht 2019, 18:46, Politikë CNA

Ish-ministri i Jashtëm, Ditmir Bushati, ka lëshuar akuza, duke kërkuar përgjegjësi për kandidimin e Valdrin Pjetrit, si dhe ka folur me tone të ashpra, lidhur me vendimet e kryeministrit Edi Rama, duke kërkuar llogaridhënie dhe përgjegjësi për vendimet e marra.

I dalë para mediave, pas përfundimit të mbledhjes së Kryesisë socialiste, Bushati u shpreh se ky fenomen duhet të çrrënjoset dhe të gjitha subjektet politike duhet t?u japin qytetarëve të saj emrat më të mire, ndërsa theksoi se” forca politike që ai përfaqëson vazhdon të ketë probleme me të kaluarën kriminale të kandidatëve të saj.

?Ne morëm një vendim kohë më parë, duke i ndërprerë mandatin personave që në të shkuarën kishin probleme me ligjin. Morëm mbështetjen dhe përshëndetjet nga SHBA, ndërsa tani në tryezat tona kemi të njëjtat problem.?

Duke folur më tej Bushati tha se PS, bashkë me partitë e tjera, duhet të reformohen brenda tyre për ti dhënë zgjidhje njëherë e mirë problemeve me dekriminalizimin.

?Ne nuk jemi prokurori dhe as gjyqtarë, por kemi përgjegjësinë tonë për vendimmarrjet e gabuara?, shtoi Ditmir Bushati.

“Dikush duhet të mbajë përgjegjësi për këto raste dhe të japë llogari. Duhet një sistem i ri politik”, theksoi ish ministri i Jashtëm, i cili është kthyer në një nga zërat më të fortë brenda socialistëve, kundër Kryeministrit/CNA.al

Lajmet e fundit nga