E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Kryesenatori çek në Durrës trastëbosh: As konjak shqiptar as Becherovka çeke

22 Shkurt 2018, 20:25, Opinione CNA

Gjatë vizitës zyrtare në Shqipëri kryetari i Senatit të Republikës së Cekisë Sh.T. Milan Stech tregoi shumë gjykim të shëndoshë, kur krahas Tiranës vizitoi edhe Durrësin portin kryesor dhe qytetin e dytë të Shqipërisë. Kryesenatori cek shoqërohej nga një shpurë e zgjeruar me senatorë, deputetë, zv/ministra e deri te kryetarja e Akademisë së Shkenca ve të Cekisë.

Pavarësisht potencialeve, që ofron Shqiëpria në përgjithësi dhe Durrësi në vecanti deri në këtë vizitë kemi një bilanc tejet të varfër të marëdhënieve ekonomike shqiptaro-ceke madje kemi marëdhënie të njollosura edhe nga afera CEZ, ku ende nuk dihet se në bashkëpunim me cekët e Topolanek-ut kush i ka vjedhur më shumë shqiptarët Berisha, që e solli CEZ-in në Tiranë, apo Rama, që e dëboi nga Tirana, pasi ia mbushi torbën plot me pare?!?!?!

Krahasuar me 30 vite më parë marëdhëniet shqiptaro-ceke në fushën e biznesit të paktën që mund të themi, janë tejet anemike. Në mënyrë figurative mund të themi, se pas 30 vjetësh konjaku famëmadh shqiptar ende nuk po kthehet dot në banakët e kafeneve të Pragës apo Bërnos, ashtu si edhe Becherovka e mirënjohur ceke ende nuk po debuton dot në klubet e Tiranës apo Durrësit. Cekët për biznes e turizëm në Shqipëri janë akoma shumë pas hungarezëve dhe polakëve, ndërsa 30 vjet më parë konkuronin me ta si të thuash rrotë më rrotë.

Sipas shifrave jo të sakta mbi 113 000 turistë polakë zgjodhën Shqipërinë si destinacion për pushimet e tyre në 2017, kryesisht në brigjet e Adriatikut dhe Jonit. Po në 2017 nuk janë më shumë se 3 000 turistë cekë, që vizituan Shqipërinë edhe ata kryesisht ishin turistë të malit, tracking-ut apo rafting-ut dhe jo turistë të rërës e të diellit. Ndërsa konjaku dhe rakia shqiptare gradualsiht po rikthehet në tregun hungarez, pula e famshme hungareze e kohës së komunizmit, ende nuk po hyn dot në tregun shqiptar se konkurohet nga pula OMGJ braziliane, argjentinase apo pulat greke e franceze të subvencionuara fort nga shtetet përkatëse. Në vend të pulës hungareze në tregun shqiptar po penetron sukseshëm qumështi dhe djathi i shkrirë hungarez i markës ?Mizo? apo kutitë me mish derri, lope dhe gjeldeti, ashtu si edhe mandarinat e Xarrës apo domatet e luleshtrydhet e Divjakës gradualisht po hyjnë në tregun e Budapestit e të Sopronit. Në Shqipëri edhe birra e famshme ceke nuk po hyn dot.

Lëre më të flasim për qindra mijëra ton hekur-nikeli, që eksportohej para 30 vjetëve në ish Cekosllovaki, për prodhimet e bakrit, për drurin e bushit dhe pipat, llullat e cibukët prej dru bushi apo punimet me filigramë argjendi. Sot për turp të zotit hekur-nikeli shqiptar eksportohet në Maqedoni për t?u pasuruar (larë e shplarë në konvejer), më pas rieksportohet në Bullgari për t?u pjekur në furrë e për tu shndërruar në granulat, i cili eksportohet në SHBA nga bullgarët me trefishin e cmimit, që shqiptatrët e mjerë e eksportojën të njejtin hekur-nikel në Maqedoni!

Për të mos u zgjatur me shembuj mund të themi se megjithë përpjekjet e kryebashkiakut Dako për të reklamuar Durrësin dhe ofertën turistike e të biznesit të Durrësit, vizita e Sh.T. Milan Stech fare mirë mund të karakterizohet sipas proverbit italian: Molto fumo e poco arrosto! /GJERGJ THANASI /CAN.al