E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Rama në një “kazan” me koreanoveriorë, iranianë, nigerianë dhe Hamas, kundra ligjit amerikan

19 Shkurt 2018, 15:53, Opinione CNA

Media e djathtë amerikane ?Frontpage Magazine? në pronësi të ebreo-amerikanit David Horowitz ka botuar një shkrim interesant të gazetarit të mirënjohur amerikan Daniel Greenfield. Në këtë shkrim gazetari amerikan liston një numër personash dhe organizatash të huaja (jo amerikane), që kanë thyer ligjin amerikan për fushatën elektorale. Këto entitete në kundërshtium me ligjin elektoral amerikan kanë kontribuar me fonde në fushatën presidenciale të Barak Husejn Obamës.

Na tërhoqi vëmendjen se një nga shkelësit e ligjit amerikan është edhe kryeministri ynë Edvin Rama. Fatkeqësisht Edvini ynë jo vetëm ka shkelur ligjin amerikan, por me këtë veprim ka përfunduar në të njejtin ?kazan? (term i huazuar nga leksiku kryeministror) me lloj lloj monstrash ndërkombëtare.

Kolegu Greenfield përmend si shkelës të ligjit amerikan për financimin e fushatave elektorale entitete të tilla si organizata terroriste Hamas, e cila bleu me të lirë T-Shirts elektorale të Obamës dhe i shiti ato me të shtrenjtë në Rripin e Gazës. Diferenca e cmimit përfundoi në llogaritë e kandidati Obama dhe shërbeu për finacimin e fushatës së tij elektorale. Përvec Hamasit shkelës të ligjit rezultojnë edhe Irani e Koreja e Veriut, që kanë kontribuar me fonde për fushatën elektorale të Obamës. Bursa e Nigerisë organizoi një fushatë për mbledhje fondesh për Obamën të titulluar ?Africans fo Obama?. Qershia mbi tortë gazetari Greenfield ofron shembullin e: kryeministrit socialist shqiptar, që kontribuoi në mënyrë të kundërligjshme me 80 000 USD në fondet e fushatës së kandidatit Obama.

Ne si shqiptarë duhet të skuqemi me të vërtet, që kryeministri ynë rilindas të përfundojë në të njejtin ?kazan? me shkelës të ligjit amerikanë të kallëpit koreanoverior, iranian, nigerian apo të terroristëve të Hamas-it! Sinqerisht shpresoj, që artikullin në anglisht (Linku: https://www.frontpagemag.com/fpm/269354/where-are-indictments-obamas-foreign-colluders-daniel-greenfield) të gazetarit Greenfield ta kenë lexuar edhe diplomatët amerikanë në Tiranë, të cilët me sa duken bathët, nuk janë informuar ende se kandidatja Klinton e humbi garën për të qenë ?qiraxhije? në Shtëpinë e Bardhë!!!! /Gjergj Thanasi /CAN.al