E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Urim për 10 vjetorin e pavarësisë së Kosovës: Zivili Sahinica

19 Shkurt 2018, 19:32, Opinione CNA

Në këtë foto Presidentja e Kroacisë Sh.S. Kolinda Grabar-Kitaroviç ka veshur një bluzë me ngjyrat dhe simbolin shqiptar të shqiponjës dy-krenore për t?i uruar 10 vjetorin e themelimit shtetit shqiptar të Republikës së Kosovës, partner, aleat e mik i Kroacisë. Me këtë urim simbolik me gjuhë të hollë diplomatike presidentja kroate jep një mesazh të madh: Kroacia e identifikon Kosovën mike jo me flamurin e sajuar, as me himnin pa tekst vetëm me muzikë, siç është fakeqësisht sot, por me shqiponjën dy-krenore simbolin pan shqiptar.

Shembulli i Presidentes së Kroacisë na i nxjerr zbuluar VIP-at e politikës këtej dhe andej kufirit Morinë-Vermicë. 10 vjetorin e Kosovës shtet, këta VIP-a shqiptarë e pritën me sherre, me leksione paternaliste të Kryeministrit ish mësues vizatimi për Kryeministrin ish guerrilas, me kanosje të Kryeministrit miell-bardhë për presidentin Like-floririn se do e pushojë nga puna (sikur të ishte një copë kaldaistkryeministrije) e për arsye patriotike do e zëvendësojë me një super President pan-albanez!

Personalisht një urim i tillë i fisnikes kroate më ngjall nostaligjinë për ?The good old days.? Bindem se kam bërë mirë në qershor 1994, që gjatë një ziafeti në qytezën e Llabunit (Istrija) pas një safari në frontin e luftës kroato-serbe, me gjithë zemër ngrita dolli me urimin: ?Zivili Sahinica!? në kundërpërgjigje të dollisë së ?Junak-ve? kroatë me urimin: Rroftë shqiponja shqiptare! Atëhere kroatët luftonin për të çliruar një pjesë të Atdheut të vet ende nën okupacionin e novi-cetnikeve të Sllobo-kasapit. Atëhere kroatët i dëshironin miqtë shqiptarë jo thjesht si miq, por edhe si aleatë kundër armikut të përbashkët serb, me shpresën e pasjes pas lufte të një kufiri të përbashkët kroato-shqiptar! Atëhere pranë qeverisë Meksi në Tiranë ishte akredituar ambasadori Juriç, një xhentëllmen i vërtetë, një mik i Shipërisë dhe një patriot i zjarrtë kroat. Ambasadori Juriçiç, ndërsa luftonte me mish e me shpirt për një Kroaci nga Zemuni në Privllaka, luste Zotin që një ditë të kishte edhe një Shqipëri të rimëkëmbëur më së paku nga Veliki Tërnovci në Filat!

Ohime ato ishin ?The good old days?! Tashmë në Tiranë nuk përfaqësohet thjesht Zagrebi, por vetë Brukseli, jo më nga një xhentëllmen-diplomat super patriot si Juriçiç, por nga një Romana ish ?Novinarka Sto-jedan?. Po. Po përfaqësohet nga një në karrierën e vet nga paradhoma e Institutit Gëte te paradhoma e Presidentit të Kroacisë e ka çarë jo me shpatë në dorë, por me shqyt në?.

Kanë pasur të drejtë latinët, që na lanë si trashëgim kulturor klithmën: O Tempora O Mores! /Gjergj Thanasi /CAN.al