LEXO PA REKLAMA!

SHKARKO APP

Zyra e PE/ Negociatori i krizës shqiptare, me detyrë në Pakistan

18 Prill 2017, 16:32, Aktualitet CNA

David Mc Allister, europarlamentari gjerman i lakuar si ndërmjetësues i një tryeze të mundshme mes kryeministrit Edi Rama dhe kryetarit të PD-­së, Lulzim Basha, për gjetjen e një kompromisi që të zgjidh ngërçin politik, nuk do të jetë në Tiranë, të paktën deri në fund të kësaj jave. Këtë e ka konfirmuar zyra për shtyp e Parlamentit Europian.

Në përgjigje të interesimit të Vizion Plus lidhur me një zgjidhje të mundshme që z. Mc Allister do ti propozojë palëve në tryezë, zëdhënësi i PE­-së është shprehur, se fatkeqësisht, eurodeputeti nuk mund të japë komente, pasi momentalisht është angazhuar në një tjetër detyre në Pakistan. Kujtojmë se Mc Allister përveçse europarlamentar mban edhe postine Kryetarit të Komisionit të Jashtëm në Parlamentin Europian. Pas thirrjes që i është bërë nga Meta dhe Rama për të negociuar tryezën e bisedimit midis maxhorancës dhe opozitës, Mc Allister ka shprehur gatishmëri,por duke vendosur si kusht dakortësinë e palëve biseduese dhe axhendën e tryezës./CityNEWS

Lajmet e fundit nga