web counter
LEXO PA REKLAMA!

SHKARKO APP

App Store
Google Play

Haberet e Mitros/ Në portin e Kavajës

1 Prill 2017, 19:41, Aktualitet CNA

E nisa ditën duke bërë llogje ne Ezmerkën. -Në Kavajë po ndërtohet porti më i madh në Adriatik. Ajo:- Sot mund të thuash çdo broçkull. Është ditë e renave.
Unë:- Porti i Kavajës? Nuk është renë, por investimi super gjigant i Ramës?!

Ajo:-Kur kemi portin e Durrësit, pse duhet port në Kavajë? Apo për inat të Sali Berishës?!
Unë:-Nuk është faji im që nuk i përtyp haberet nga parlamenti! Behar. Viti 2016. Në parlament u votua marveshje për ndërtimin e portit. Do ngrihet në Karpen. Investimi: 5 miliardë dollarë. Do punësohen 20 mijë punonjës. Porti i Kavajës do jetë si filial i portit të Roterdamit! Një deputet pyeti: Sa kapitale ka kompania që do ndërtoi portin?…100 mijë dollarë?…U bëka porti me thërrime? Tha me sarkazëm deputeti demokrat Edmond Spaho?…Në kapitalizëm na qënka një zakon. Vë disa grosh si aksion. Pastaj si prifti i përrallës, mbledh dollarë me lopatë të madhe.

Ajo:-Kam një pyetje: Pse nuk kam parë Ramën me gërshërë në dorë, për të prerë shiritin e fillimit të punimeve?
Unë:-“Thelat” e mëdha, presin të “përtypen” kur të fullojë fushata e zgjedhjeve. Dmth kur të vijë shën Qershori!A nuk shkojmë në Kavajë për të parë kantjerin e ndërtimit?
U nisëm. Mbritëm në Kavajë. Pyetëm një zonjë. Zgurdulloi sytë. Kur u larguam dëgjova që i tha shoqes:
-Paska shkarë Mitroja?

-Normale,-i tha tjetra.-Burrat i marros martesa e parë. Mitroja është martuar dy herë. I gjori!
Mbritëm në Karpen. Ku kantieri?…. Kemi parë. Kemi dëgjur,- tha një burrë.-Por fjalë e mirë e gur në trastë.
Nga thundrat majat. Në makinë hapa radjon. Lajme. “Top Albania”…
Ministria e Ekonomisë:-Në portin e Kavajës nuk kanë filluar punimet. Fajin e ka Avokati i Shtetit. Nuk ka caktuar një avokat për zbatimin e marveshjes.

Avokati i Shteti:- I kemi kërkuar avokat ministrisë së Drejtësisë. Nuk kemi marr? përgjigje.
Normale për dy arsye. Së pari. Ministria e Drejtësisë është nën hyqmin e LSI-së. Ministri eshtë i pavarur nga Rama. Së dyti. Janë këmbyer tre ministra në motmot. Humbasin kartat.
…Dhe u plakën e u trashëguan?!…/CityNews





Lajmet e fundit nga