web counter
LEXO PA REKLAMA!

SHKARKO APP

App Store
Google Play

Fjalë të ndjera për Aylan!

3 Shtator 2015, 17:55, Opinione CNA

*Edona DAÇI

Evropa, por jo vetëm, është tronditur dy ditët e fundit nga një foto e Aylan, fëmijës 3-vjeçar, të cilin dallgët e detit turk e nxorrën në brigje.

Fotoja që me dhembshmërinë që të shkaktonte, nuk të lejonte të komentoje, është shpërndarë shumë në rrjete sociale si një mënyrë sensibilizimi për liderët evropian, të cilët me politikat e tyre kanë shkaktuar gjithë këtë ?katrahurë?.

Këta politikanë, që vetë-quhen lider, nuk janë të tillë.

Nuk janë të tillë se i penguan Aylanit të drejtën për të jetuar në një vend më të mirë.

Nuk janë të tillë se i penguan Aylanit të drejtën për t?u rritur si të gjithë fëmijët e botës.

Nuk janë të tillë se i penguan Aylanit të drejtën për t?u shkolluar e për t?u bërë (pse jo) një njeri që do kontribuonte për një botë më të mirë.

Nuk janë të tillë se i penguan Aylanit të drejtën për të hedhur kapelën aq të bukur kur të diplomohej.

Këta lider i penguan shumë të drejta Aylanit. Por jo vetëm atij! Në Evropë kanë tentuar dhe do tentojnë sërish të vijnë edhe të tjerë Aylan.

Nëse Aylan do më dëgjonte, do t?i thoja vetëm: NA FAL!

Na fal që nuk bëmë diçka për ty dhe të tjerët si ti, që patët një fund aspak të merituar.

Na fal që politikanët tanë mendojnë vetëm për fëmijët e tyre dhe shqetësimi më i madh që kanë është se ku fëmija do kalojë pushimet.

Na fal që të lamë të përjetoje terroret e luftës në Siri.

Na fal, Aylan!

Edhe pse të shkruara vite më parë, vargjet e mëposhtme të Nënë Terezës fatkeqësisht janë aktuale:

?Në botë ka shumë urrejtje, shumë luftra.
Nuk do t?ia dalim dot t?i mposhtim urrejtjen dhe luftrat me pushkë dhe as me bomba,
dhe as me ndonjë tjetër armë që shkakton plagë:
do t?ia dalim mb?anë vetëm me vepra dashurie, gëzimi, paqe vëllazërimi?

Me shpresën se e nesërmja do të jetë një botë më e mirë,

Aylanit!

 





Lajmet e fundit nga