A SYNON EUROPA KRIJIMIN E NJE “JUGOSLLAVIE TE TRETE” ?

21 Gusht 2015, 15:55, Opinione CNA

Nga Klodi STRALLA
Opinion, ne prag te samitit te Vjenes.

Mbas nje jave, ne 27 gusht, do te mbahet ne Vjene samiti i vendeve te ashtuquajtura ?Ballkani Perendimor?, me pjesemarrjen edhe te perfaqesuesve te BE-se, me synim per te cuar me tej integrimin e ketyre vendeve me njeri tjetrin, qe keshtu se bashku, te antaresohen ne BE, ne nje te ardhmen ende te papercaktuar.
Hidhini nje sy hartes te meposhtme qe paraqet 28 shtetet e BE-se. Ne qender te saj, nje ?vrime e zeze? gjeopolitike, qe perfshin gjashte shtete: Serbine, Bosnje-Herzegovinen, Malin e Zi, Kosoven, Maqedonine dhe Shqiperine, qe diplomacia europiane e emertohen ?Ballkani Perendimor?. Edhe nje vrojtues jo shume i vemendeshem i gjeopolitikes e ka te lehte te dalloje qe kjo hapesire, ne zemer te Europes gjeografike, por ne periferi te asaj politike, s?eshte gje tjeter vec Jugosllavia e dikurshme, e para viteve ?90, me te vetmin ndryshim se prej saj jane larguar dy shtetet me te zhvilluara, Sllovenia e Kroacia, dhe i eshte bashkengjitur Shqiperia londineze e 1913- es.

Sot ne kancelarite europiane flitet me shume per ?Ballkanin Perendimor? se per shtetet perberese te tij, flitet per bashkepunim rajonal, per investime te perbashketa ne infrastrukture e energjitike, flitet per bashkejetese etnike dhe fetare, nxiten e perkrahen ecejaket e liderave te tyre tek njeri tjetri, bile, tash se fundi, u krijua edhe ekipi i perbashket i futbollit me lojtare politikane (Vucic, Thaci, Gjykanovic?.te shohim nese do te jete kapiteni i saj Rama yne !), duke nenkuptuar me kete se Europa, ndersa nuk i do ne gjirin e saj si antare me te drejta te plota (te pakten per dhjete vitet e ardheshme), i do si nje Konfederate qe ta kete nen tutelen e vet, nga frika se mos ajo bije nen ndikimin rus apo turk. Por a mund te funksionoje nje projekt i tille ? Per mua Historia thote ? JO.

– Jugosllavia e pare u krijua ne 28 qershor 1918, me mbarimin e LPB dhe shperberjen e Perandorise Austro-Hungareze, kur sllavet e jugut: sllovenet, kroatet, serbet e malazezet krijuan ?Mbreterine serbo-kroato-sllovene?, nen kuroren e mbretit te Serbise, Karagjorgjevic, duke mbajtur te shtypur e te prapambetur shqiptaret, maqedonet dhe pakicat turke. Zhvillimi i pabarabarte ekonomik e kulturor, dallimet fetare, brutaliteti dhe aroganca serbe e bene ate nje shtet te centralizuar, autoritar dhe vecanerisht te dhunshem ndaj shqiptareve qe popullonin pjesen me te madhe te Kosoves, Sanxhakut, Lugines te Presheves dhe Maqedonise. Nje strukture e tille e brishte dhe artificiale u shkermoq ne prag te LDB, kur trupat e Raih-ut mesyne Jugosllavine (mars 1941) dhe Kosova iu bashkengjit Shqiperise.
– Jugosllavia e dyte u themelua nga kroati Josif Broz Tito, si nje shtet federativ, i perbere nga gjashte republika dhe pas vitit 1974 edhe me dy krahina autonome: Kosoven dhe Vojvodinen, brenda Republikes te Serbise. Ndonse Tito u tregua nje politikan i shkathet dhe pragmatist, ndonse veproi ne konjukturen e favorshme te Luftes te Ftohte midis superfuqive, dallimet etnike, kulturore, ekonomike e fetare midis pjeseve te saj shpune ne shperberje te kesaj krijese artificiale ne fillim vitet ?90, shperberje qe u shoqerua edhe me shume gjak e deme materiale. Lindi shpresa qe shqiptaret te kerkonin mevetesine.
– Jugosllavia e trete u ideua ne samitin e Selanikut te vitit 2003, kur Europa ish e vetedijshme se keto vende (perjashto Sllovenine e Kroacine) nuk mund te pranoheshin, ashtu sic ishin, antare me te drejta te plota te BE-se, per shkak te prapambetjes ekonomike e kulturore te tyre. Ndonse sot nuk kerkohet shprehimisht nje forme kushtetuese ?Unioni?, kerkohen veprime dhe hapa konkrte qe keto vende te sillen praktikisht si vende te federuara ne nje strukture te emertuar ?Ballkani Perendimor?. Te mos habitemi kur te degjojme qe Europa do te kerkoje, ne te ardhmen e afert, qe te formohet edhe nje ?institucion koordinues? (e ngjashme me presidencen rrotative te Jugosllavise pas vdekjes te Titos), ku shqiptari Edi Rama te jete kryesuesi i pare i Ballkanit Perendimor ! (lexo Jugosllavia e trete). Mbase Europa, per te mos e lene Serbine te reshqase ne infuencen ruse, ben kurban shqiptaret ne ?altarin? e ketij Unioni.

Nese do te shkohet kaq larg, eksperimenti nuk do te jete me afatgjate e me i ?sukseshem? se dy te mepareshmit, sepse historia na meson se Federatat apo Konfederatat gjithmone kontrollohen e sundohen nga shteti me i fuqishem, qe ne rastin konkret do te jete Serbia. Per mua kjo eshte aresyeja qe ne keto shtete tolerohen politikane te koruptuar e servile, qe per interesa personale e klanore shesin fare lire interesat kombetare, per te kenaqur fantazite e kancelarive perendimore.