Që opozita të mos ngelet për vjeshtë

18 Gusht 2015, 12:18, Opinione CNA

Nga Patrik SADIKAJ

Miku im Akil Kraja, në një shkrim të gazetës Rilindja Demokratike thotë se ka ardhur koha për opozitë. Bashkohem me idenë e tij që opozita duhet të bëjë atë që është e dënuar të bëjë. Kur nuk je në pushtet duhet të punosh fort që të rrëzosh pushtetin. Jo thjeshtë me idenë e rrëzimit: zbrit ti që të hyp unë. Jo. Ideja është të bëhët një opozitë që krahas synimit të pushtetit të jetë e përgatitur të ofrojë projektin e pushtetit.

Dy vitet e para në opozitë pas 8 vitesh pushtet për PD nuk kanë qënë aspak të lehta. Në fund të fundit është shumë shpejt për të ngallur besim opozitar pas një pushteti që të ka konsumuar. Qytetarët edhe sikur të jenë kaq të mërzitur me qeverinë aktuale nuk do kenë guximin të kthehen tek ata që I ndëshkuan me votë në 2013-ën. Prandaj them se miku Kraja ka të drejtë që fton opozitën të bëjë opozitë. Jo se deri tani nuk është bërë opozitë, por se duhet bërë më shumë.

Thirrja për të qënë aty në rrugë ku është dhe populli është një ide e mirë që PD në këtë rast duhet ta përqafojë. edhe vetë kryetari Basha në daljet e tij ka lënë të kuptohët qartë se opozita do shkojë tek qytetari, nuk do presë që qytetari të durojë thikën deri në palcë e më pas të vijë vetë të opozita. Kjo do të kishte kosto shumë të madhe.

Opozita e opozitës duhet të nisë aty ku mbeti përgjysëm: 22 nëntorin e vitit të shkuar kur mbushte sheshin me popull nga ?Skenderbeu? tek Edi Rama. Jo me fiksimin politik për të rrëzuar qeverinë, por për ti thënë se opozita është aty për të mos lejuar të bëhët asnjë gabim. Të mbrohen qytetarët nga qeverisja e keqe kur vlerësohet e tillë dhe të orientohet populli në rrugën e duhur për të fituar të drejtat. Me 22 nëntor në shesh kishte edhe socialistë që kishin votuar për këtë qeveri që kemi sot, por ata nuk donin domosdo opozitën në pushtet. Donin që t?i mbronte dikush dhe opozita në njëfarë mënyre nuk e çoi deri në fund këtë mission.

Prandaj ata që dolën në protest me opozitën nuk u gjenden gati për të votuar PD dhe aleatët me 21 qershor sepse ende nuk e kanë parë opozitën e vërtetë që me shumë gjasa do të nisë në vjeshtë. Opozita e fortë është e mirë dhe duhet që të bëhet gati shpejt. Diçka brënda PD po gatuhet, shënjat I dha dhe kryetari Basha me një foto në FB. Strategjia opozitare është gjithmonë më e vështira për t?u hartuar, por dhe më e thjeshta për tu nisur. E rëndësishme është që të bëhët opozitë në rrugë me ide që përgatiten në tryeza pune. Të jesh opozitar është sakrificë, por kjo sakrificë është haraxhi për pushtetin nesër. Jo për pushtetin që sjell të mira për një grup njerëzish, por që sjell ide të mira më të gjera sesa për një parti. Një opozitë më project qeverisës është gjithmonë e dënuar për të marrë pushtet. Nuk ka rëndësi sa shpejt, rëndësi ka që shpejt të tregojë se është alternative më e mirë krahasur me pushtetin. Prandaj ka të drejtë Akili kur thotë se për opozitën është koha për opozitë. Ndoshta është e vonuar kjo ide. Opozita nuk ka kohë të ngelet për vjeshtë.