Xherdan Shaqirin e zuri mallkimi i Hoxhë Shefqet Krasniqit

31 Gusht 2015, 20:36, Opinione CNA

Nga Kastriot MYFTARAJ

Xherdan Shaqiri e ka nisur shumë keq sezonin në Premier League me Stoke City. Klubi i tij ka humbur dy dhe ka barazuar dy nga katër ndeshjet e para. Shaqiri, i cili në 12 gusht shkruante në një status të tij në Facebook ?Cant wait to play in the best league in the world!?, nuk ka bërë asnjë gol të vetëm. Tifozët dhe klubi janë të zhgënjyer se pritshmëria ishte shumë e lartë për një lojtar që është blerja më e shtrenjtë në historinë e këtij klubi dhe që do të paguhet 3 milion paund në vit, në katër vitet e ardhshme. Cila është arsyeja? A mos ndoshta Shaqirin e ka zënë mallkimi i hoxhë Shefqet Krasniqit, ish-mikut të tij. Ose më saktë Shaqirit, i cili është një besimtar shumë i madh musliman, i është krijuar ideja se Allahu po e bën të paguajë të keqen që i bëri hoxhë efendiut.
Shaqiri, gjatë vizitës që bëri në vendlindjen e tij në Kosovë, në qershor të këtij vit, me rastin e muajit të Ramazamit, ftoi për iftar hoxhën e njohur ekstremist islamik, Shefqet Krasniqin, të cilin Shaqiri e adhuron, kuptohet aq sa mund të adhuruohet një njeri se adhurimi për Shaqirin, sipas religjionit të tij, i shkon vetëm Allahut. Imam Shefqet Krasniqi i dhuroi Shaqirit edhe disa nga librat e tij, të cilat Shaqiri i mbajti në dorë kur bëri fotografi me hoxhën. Librat e Hoxhë Shefqetit janë manifeste të ekstremizmit e terrorizmit islamik. Këto fotografi pastaj Xherdani i postoi në faqen e tij zyrtare në Facebook.
Postimi i fotove bëri bujë Zvicër për shkak se Imam Shefqet Krasniqi është ideologu kryesor i ekstremizimit islamik në Kosovë. Përshtypja e krijuar në opinionin publik zviceran ishte shumë e keqe. Madje lajmi bëri bujë edhe përtej Zvicrës. Sigurisht që menaxheri i Xherdanit, vëllai i tij, një injorant absolut, nuk shihte asgjë të keqe në këtë që kishte ndodhur, aq më pak ndonjë rrezik. Por shumë shpejt Xherdanit nisën t? i vinë sinjale nga kanale të tjera, që nga Federata Zvicerane e Futbollit, klubi i tij i asaj kohe etj., se me atë që kishte bërë rrezikonte të shkatërronte karrierën e tij. Sepse Shaqiri kishte përdorur famën e tij për të promovuar ekstremizmin islamik, një gjë kjo që në mos ishte e dënueshme drejtpërdrejt si krim, ishte e mjaftueshme për të pasur pasoja të tjera të rënda. Pikësëpari do të përjashtohej nga ekipi kombëtar i Zvicrës, si dhe nuk do të mund të arrinte të lidhte një kontratë me asnjë klub sadopak të rëndësishëm europian. Në këto rrethana, Shaqiri vendosi ta mohojë mikun e tij Hoxhë Shefqetin. Tre ditë pas publikimit të fotove, në 30 qershor, Shaqiri postoi një status në faqen e tij zyrtare në Facebook, në gjermanisht, jo në shqip, ku thoshte se ai kishte dalë në fotografi me hoxhën pa e ditur se cili ishte ai. Nga kjo mënyrë të shprehuri, kërkohej që publikut zviceran t? i krijohej përshtypja se kishte qenë Hoxhë Shefqeti ai që, ashtu siç bëjnë rëndom fansat e lojtarëve të njohur, e kishte ndalur Shaqirin në rrugë dhe i kishte kërkuan të bënin një fotografi së bashku.
Por në këtë sqarim të gjatë me 117 fjalë, në gjermanisht, Shaqiri nuk thoshte se fotografia ishte bërë në oborrin e shtëpisë së tij, pasi kishin dalë nga dhoma e ngrënies ku kishin ngrënë së bashku iftarin. Xherdani gënjeu rëndshëm sepse ai e njeh mirë Hoxhë Shefqet, me të cilin ka lidhur miqësi tash disa vite. I trembur për karrierën e tij, Xherdani e mohoi Hoxhë Shefqetin, duke i dhënë madje këtij një shkelm të tillë, me etiketimin ?ekstremist?, sa mund të thuhet se Xherdani nuk e ka shkelmuar kurrë kaq fuqishëm topin sa në rastin e shkelmimit publik që i bëri Hoxhë Shefqetit.
Publikut shqiptar të Kosovës, ku ndodhi ngjarja, Xherdani nuk e pa të nevojshme t? i jepte një sqarim në shqip. Çfarë mund t? u thoshte tekefundit ai shqiptarëve të Kosovës të cilët e dinin se fotoja me hoxhën ishte bërë në oborrin e shtëpisë së tij në katundin Zhegër të Gjilanit? Apo t? u thoshte se ai kishte ftuar për iftar këngëtarin Goldag dhe ky pruri me vete edhe Hoxhë Shefqetin?!
Gjithsesi, thuhet se Hoxhë Shefqeti e ka telefonuar dhe e ka mallkuar Xherdanin duke e quajtur ?qafir? (kafr), të larguar nga Islami dhe se i ka thënë: ?Ta paralizoftë Allahu këmbën kur don që të bësh gol!?
Unë nuk besoj asfare në potencialin e mallkimit të Imam Shefqetit, por kam bindjen e plotë se në mendjen e Xherdanit mallkimi i Hoxhë Shefqetit bën efekt të madh. Prandaj, Xherdanit janë duke i shkuar punët keq, njëjtë sikur mallkimi i Hoxhës të kishte vërtet fuqi.
Shaqiri ia arriti që ta mashtrojë publikun zviceran dhe atë europian për momentin karrierën e tij duke u vetëparaqitur si viktimë e Hoxhë Shefqetit, por e vërteta është se edhe Shaqiri është një ekstremist islamik ashtu si Hoxhë Shefqeti.