web counter
LEXO PA REKLAMA!

SHKARKO APP

App Store
Google Play

Tetova "ndez" finalen e Superkupës: Asnjë tolerim ndaj Kukësit

25 Dhjetor 2024, 16:06, Sport CNA

Tetova "ndez" finalen e Superkupës: Asnjë tolerim ndaj

Egnatia dhe Kukësi do të përballen mes tyre, në sfidën e vlefshme për Superkupën e Shqipërisë. Dy finalistet e Kupës në edicionin e kaluar, do të duelojnë sërish me njëra-tjetrën, këtë herë për një trofeun e radhës.

Në prag të kësaj përballje, trajneri i Egnatias, Edlir Tetova, deklaroi se skuadra e tij është gati dhe atmosfera është shumë e mirë.

Sipas tij, pas titullit dhe Kupës, te rrogozhinasit synohet trofeu i tretë për këtë vit, ndërsa shtoi se nuk do të ketë asnjë tolerim, pavarësisht gjendjes së kundërshtarit.

“Atmosfera është shumë e mirë. Sapo mbyllëm dy fazat e para. Jemi të impenjuar për ndeshjen më Kukësin. Është një finale dhe përgatitjet kanë shkuar shumë mirë. Pavarësisht se çfarë i ka ndodhur kundërshtarit, është një finale dhe impenjimi është maksimal. Finalja duhet fituar. Është një ndeshje për tu luajtur. Luhet për trofe dhe nuk do të ketë asnjë lloj tolerimi. Mendojmë për trofeun e tretë brenda viti. Është diçka e madhe për mua si trajner dhe klubin”, u shpreh Tetova.

I pyetur për merkaton, Tetova deklaroi se gjithmonë ka vend për afrime të reja, por për momentin fokusi është te ndeshja.  

“Nuk jemi në 100% e asaj që unë kam në kokë. Gjithmonë ekipi ka nevojë për freski. Duhet frymë e re, por lojtarët që kanë ardhur ene nuk i kemi futur ende në rrjedhën e 100%. Të shohim”, deklaroi Tetova.

Finalja e Superkupës, mes Egnatias dhe Kukësit, do të luhet të enjten, duke nisur nga ora 19:00.





Lajmet e fundit nga