web counter
LEXO PA REKLAMA!

SHKARKO APP

App Store
Google Play

Klubi italian "projekton" Ancelotti-n në stol

25 Dhjetor 2024, 14:56, Sport CNA

Klubi italian "projekton" Ancelotti-n në stol

Pas problemeve të shumta të shfaqura këtë sezon, te Roma po përgatiten për një revolucion të madh në verë, që do të nisë nga stoli.

Italianët kanë një dëshirë të madhe, për t’i besuar drejtimin një emri të njohur si trajneri Carlo Ancelotti. Tekniku italian mund të largohet nga Real Madrid në fund të sezonit, çka do i hapte rrugën Romës për të nisur bisedimet.

Kjo lëvizje varet kryesisht nga fakti nëse Real Madridi zgjedh të bëjë ndryshime në stafin teknik, me Xabi Alonsos që shfaqet si kandidati kryesor për ta pasuar atë.

Pavarësisht se ka një kontratë me Real Madridin deri në vitin 2026, thashethemet për largimin e mundshëm të Ancelotti-t nuk kanë të ndalur. Nga koha kur Alonso mori drejtimin e Bayer Leverkusen, emri i tij është përfolur si një zëvendësues i mundshëm në pankinën e madrilenëve. Klubi i Romës do të ishte i gatshëm t'i bënte një ofertë serioze trajnerit Ancelotti për t'u kthyer në vendlindje dhe për të drejtuar një projekt të ri në Serinë A.

“La Gazeta dello Sport” thekson se Ancelotti është një nga dy emrat në listën e Romës. Kandidati tjetër është Masimiliano Allegri, aktualisht i papinë, i cili gjithashtu është një profil tërheqës për shkak të suksesit të tij në ligën italiane. Megjithatë, preferenca e drejtuesve romakë duket se anon nga tekniku aktual i Real Madrid, për shkak të trofeve të shumtë të fituar.

Rikthimi në Itali dhe përballja me një sfidë të re mund të bindë Ancelotti-n, i cili tashmë ka lënë gjurmë në ekipet e nivelit të lartë si Milani, Chelsea, PSG-ja dhe Bayern Munich. Edhe pse gjithmonë ka pasur spekulime se ai mund të tërhiqet Realit, Roma shpreson të jetë projekti që e motivon atë për të vazhduar punë  si trajner.





Lajmet e fundit nga