web counter
LEXO PA REKLAMA!

SHKARKO APP

App Store
Google Play

E fundit!

x

Cardinale: Interi fitoi titullin dhe falimentoi, ju tregon planin për Milanin

23 Dhjetor 2024, 18:23, Sport CNA

Cardinale: Interi fitoi titullin dhe falimentoi, ju tregon planin për

Pronari i Milanit, Gerry Cardinale , ka treguar planin e tij te Milani, klub të cilin e bleu para dy vitesh. Duke folur për Shkollën e Biznesit të Harvardit, numri 1 i klubit kuqezi, deklaroi se strategjia është ndryshe nga ajo e Interit, që sipas tij fitoi titullin dhe më pas kishte faliment në bilanc.

Cardinale tha se Ibrahimoviç u zgjodh si këshilltar i tij, për të rritur nivelin, ndërsa shtoi se te Milani synohet që gjërat të bëhen ndryshe nga të tjerët dhe në mëyrë fitimtare.

“Kur e ndërmora blerjen më quanin të çmendur sepse sipas shumë ekspertëve, Italia nuk ishte vendi i duhur për biznes dhe se futbolli europian nuk mundësonte fitime. Blerja e yjeve nuk është sinonim suksesi dhe kur kërkon trofetë në sport atëherë ke gabuar si investitor.

Ibrën e zgjodha sepse kërkoj pranë vetes më të mirët dhe njerëz që mund të na rrisin nivelin. Shumëkush mendon se ishte një zgjedhje “vitrine”, por ai është zgjedhja ime për të dëshmuar se te Milani synojmë t’i bëjmë gjërat ndryshe dhe në mënyrë fitimtare.

Mund të rinovojmë stadiumin tonë ekzistues ose të ndërtojmë një të ri që pasqyron statusin aktual të këtyre klubeve si shoqëri që sigurojnë argëtim dhe evente live. Plani është për një stadium që ndoshta do të kushtojë mbi 1 miliard euro, por nuk do të thotë se po amerikanizojmë Milanin. Dua thjesht elemente amerikanë për të përmirësuar përvojën e klubit dhe tifozëve. Interi me Zhangun fitoi titullin e më pas regjistroi faliment në bilanc. Nuk është ajo që dua për Milanin”, u shpreh Cardinale.

Ndër të tjera, amerikani theksoi se te Milani nuk shesin lojtarë për shkak të nevojave, por sepse mund të fitojnë më shumë, duke shtuar se dëshiron që të fitohet çdo gjë në mënyrë më të zgjuar.

“Tifozët kanë pasionin e tyre dhe mund të sillen si duan, por ne si klub kemi detyrën t’u japim më të mirën. Problemi im janë lehtësirat fiskale të cilat na kanë pakësuar armët për të konkurruar me klubet e shteteve të tjera.

Ne po konkurrojmë me klube në kampionate më të pasura dhe nuk mund të përballojmë t’i paguajmë lojtarët në të njëjtat shifra. Duhet të shpenzojmë çdo dollar kapital në mënyrë më të zgjuar se rivalët tanë.

Tonalin nuk e shitëm te Newcastle sepse kishim nevojë për para, por e shitëm sepse morëm një ofertë të shkëlqyer dhe bëmë një vlerësim. Ne mblodhëm 70 milionë euro plus një fitim prej 10 milionë, shifra më e lartë ndonjëherë në Serinë A. Dhe falë asaj shitje blemë gjashtë lojtarë të rinj dhe rinovuam plotësisht ekipin. Te Milani nuk shesim nga nevoja, por nga mundësitë që na shfaqen”, përfundoi Cardinale.

Kreu i klubit ka qenë në shënjestrën e tifozëve kohët e fundit, për shkak të mungesës së rezultateve në ekip, me Milanin që renditet në vendin e tetë, shumë larg kreut të renditjes.





Lajmet e fundit nga