web counter
LEXO PA REKLAMA!

SHKARKO APP

App Store
Google Play

Askush si ai në Premier League, Salah në histori. Arritje e madhe edhe te Liverpool

23 Dhjetor 2024, 20:02, Sport CNA

Askush si ai në Premier League, Salah në histori. Arritje e madhe edhe

Mohamed Salah është padyshim një nga lojtarët më të mirë në historinë e Liverpool. Forma e tij e jashtëzakonshme e ka bërë atë lojtarin kyç të skuadrës së drejtuar nga Arne Slot, duke i dhënë një shtysë të madhe për objektivat sezonalë.

Në sezonin e tij të shtatë me fanellën e të kuqve, Salah vazhdon të thyejë rekorde dhe të lërë gjurmë në futbollin anglez.

Dopieta e fundit ndaj Tottenham ishte një tjetër dëshmi e aftësive të tij të jashtëzakonshme, si një golashënues dhe si një lider brenda fushe.

Këto gola jo vetëm që e ndihmuan Liverpulin të marrë një fitore të rëndësishme, por gjithashtu e vendosën Salah në listën e elitës së shënuesve më të mirë në historinë e klubit. Egjiptiani vulosi statusin e tij si një nga më të mirët që ka veshur ndonjëherë fanellën e Liverpool.

Me 15 gola dhe 11 asiste deri para Krishtlindjeve, Salah ka arritur një rekord historik në Premier League. Asnjë lojtar tjetër në historinë e kampionatit nuk ka arritur të regjistrojë numra dyshifrorë si për gola ashtu edhe për asiste në këtë fazë të sezonit. Kjo është një arritje që e bën atë një futbollist unik dhe një shembull për brezat e ardhshëm të lojtarëve.

Sa i përket statistikave historike me Liverpulin, Salah ka siguruar vendin e tij mes legjendave të klubit. Me 229 gola të shënuar në 373 paraqitje, ai është aktualisht në vendin e katërt të listës së golashënuesve më të mirë në historinë e klubit.

Vetëm 12 gola e ndajnë nga Gordon Hodgson, i cili mban vendin e tretë. Megjithatë, për të arritur rekordin absolut të Ian Rush, që ka shënuar 346 gola në 16 sezone, Salah do të duhet të ruajë këtë ritëm të jashtëzakonshëm edhe për disa vite të tjera, nëse rinovon kontratën.

Sipas raportimeve nga Anglia, Liverpool dhe Salah kanë arritur marrëveshjen mes tyre, për të zgjatur bashkëpunimin edhe për disa sezone të tjera. 32-vjeçari është futur në vitin e fundit të kontratës dhe pritet të rinovojë në ditët e ardhshme.





Lajmet e fundit nga