Marotta nuk ia përton Cardinale-s: Jemi e vetmja skuadër e Milanos me dy yje

24 Dhjetor 2024, 15:17, Sport CNA

Marotta nuk ia përton Cardinale-s: Jemi e vetmja skuadër e Milanos me

Pronari i Milan-it, Gerry Cardinale, thumboi Inter-in në një deklaratë për Shkollën e Biznesit të Harvardit. Numri 1 i kuqezinjve deklaroi se ka një plan të qartë për klubin, duke bërë dhe një krahasim me rivalët e qytetit.

Sipas Cardinale-s, Inter-i fitoi titullin kampion dhe më pas falimentoi, duke iu referuar problemeve financiare, kur president ishte kinezi Stiven Zhang.

“Unë dua ta çoj Milan-in në një nivel tjetër. Të fitojmë me inteligjencë. Të fitosh kampionatet është objektiv i rëndësishëm për duhet ta bësh me inteligjencë. Inter-i fitoi titullin dhe më pas falimentoi. Synimi im nuk është që të amerikanizoj Milan-in, por ta çoj klubin në një tjetër nivel”, tha Cardinale.

Cardinale: Interi fitoi titullin dhe falimentoi, ju tregon planin për Milanin
23 Dhjetor, 18:25

Kjo deklaratë nuk është pritur mirë nga presidenti i Inter-it, Beppe Marotta, që i cilësoi fjalët si pavend, ndërsa nuk e kurseu edhe ironinë, duke thënë se zikaltrit janë skuadra e vetme në Milano me dy yje në fanellë.

“Nuk doja të flisja për këtë temë. Por meqë po më pyesni, është e drejtë që të përgjigjem. Këto janë deklarata të pavend dhe të papërshtatshme. Është një mungesë respekti për klubin dhe prestigjin e Inter-it. Është e vërtetë që në vitet e para kishim probleme financiare, por Okatri ka menjëherë mbështetjen. Prej dy vitesh Okatri është pronar i klubit dhe menaxhimi i Inter-it është krejt ndryshe. Jemi në përputhje me 'Fair Play Financiar' dhe të gjitha rregullat e tjera. Mund të them se jemi skuadra e vetme në Milano që kemi dy yje”, deklaroi Marotta.

Deklarata e pronarit të Milan-it, u prit keq edhe nga tifozët e Inter-it, të cilët nuk ngurruan të bëjnë krahasime mes skuadrave, për situatën aktuale ku ndodhen.

Kuqezinjtë po hasin vështirësi të mëdha këtë sezon, pasi renditen në vendin e tetë me 26 pikë, plot 11 pikë pas rivalëve të qytetit, që mbajnë vendin e tretë me 37 pikë.

Deklaratë e pakuptimtë e Cardinale, në një moment kur ka kundër edhe vetë tifozët e Milan-it, të cilët akuzojnë pronësinë për gjendjen ku ndodhet skuadra.

Gjithashtu ata kanë protestuar në ndeshjet e fundit, sidomos në atë të 115-vjetorit të klubit, ku Kardinale nuk ishte prezent.