web counter
LEXO PA REKLAMA!

SHKARKO APP

App Store
Google Play

Juventusi këkon mbrojtësin e Milanit

24 Dhjetor 2024, 21:08, Sport CNA

Juventusi këkon mbrojtësin e Milanit

Juventusi pritet të jetë shumë aktiv në merkaton e dimrit dhe këtë herë objektivi i tyre është një tjetër mbrojtës nga radhët e Milanit. Pas suksesit me afrimin e Pierre Kalulu gjatë verës, bardhezinjtë kanë kthyer sytë nga Fikayo Tomori, një prej mbrojtësve më të vlerësuar të kuqezinjve dhe të kampionatit italian.

Sipas raportimeve nga mediat italiane, “Zonja e Vjetër” synon të arrijë një marrëveshje për transferimin e Tomorit që në ditët e para të janarit. Megjithatë, një operacion i tillë nuk pritet të jetë aspak i lehtë, duke marrë parasysh qëndrimin e Milanit dhe konkurrencën në treg. Kuqezinjtë, të cilët e konsiderojnë mbrojtësin anglez një element kyç në mbrojtje, kanë vendosur një çmim minimal prej 30 milionë eurosh për shërbimet e tij.

Një tjetër pengesë e madhe për Juventusin është refuzimi kategorik i Milanit për të shitur lojtarë te rivalët direktë. Historikisht, transferimet mes dy klubeve janë pritur me skepticizëm nga tifozët e të dyja palëve, dhe drejtuesit kuqezinj nuk dëshirojnë të përforcojnë një kundërshtar që rivalizon në kampionat. Ky qëndrim është përforcuar edhe nga interesimi i klubeve të tjera, si Njukastëll nga Premier Liga, që gjithashtu është i gatshëm të futet në garë për lojtarin.

Juventusi, nga ana tjetër, është i vendosur të negociojë një formulë që mund të bindë Milanin. Bardhezinjtë mendojnë të propozojnë një marrëveshje huazimi me detyrim blerjeje, por vlera që ata janë të gatshëm të paguajnë nuk pritet të kalojë 15 milionë euro. Një ofertë e tillë, duke parë kërkesat e Milanit dhe konkurrencën nga Anglia, duket larg asaj që kuqezinjtë presin.

 





Lajmet e fundit nga