web counter
LEXO PA REKLAMA!

SHKARKO APP

App Store
Google Play

E fundit!

x

"Teo lojtar i madh", flet ish-trajneri i Kombëtares së Shqipërisë: Do të doja ta shihja te Bajerni i Mynihut

27 Qershor 2022, 11:20, Sport CNA
"Teo lojtar i madh", flet ish-trajneri i Kombëtares së
Hans-Peter Brigel, ish-trajner i Kombëtares së Shqipërisë

Hans-Peter Brigel, ish-trajneri i Kombëtares së Shqipërisë në vitet 2002-2006, ka mbetur tifoz me futbollin italian, duke qenë se ai në Serinë A ka shijuar emocione të forta, pasi ka veshur bluzën e Veronës (1984-1986, me të cilën është shpallur kampion në vitin 1985, por gjithashtu edhe atë të Sampdorias (1986-1988), me të cilën fitoi një Kupë Italie më 1988.

Në gadishullin Apenin gjithashtu Brigel u shpall kampion Europe me Gjermaninë në 1980-ën, prandaj mjafton kaq për të kuptuar se fati ka dashur që ai të ketë një lidhje të ngushtë me Italinë. 66-vjeçari e ka ndjekur me vëmendje edhe sivjet sezonin që pa Milanin të shpallej kampion, por me gjermanin që kishte vënë bast se titullin do ta fitonte Interi.

“Të shihje Interin që kryesoi shumicën e kampionatit, madje edhe me një avantazh të madh ndaj Milanit dhe kujtdo tjetër ishte një surprizë, ndonëse Milani e meritoi. Unë mendoj se sekreti i kuqezinjve ishte grupi, besimi te njeri-tjetri, pasi edhe ata që zbrisnin nga stoli arritën që të bëjnë diferencën në ndeshje të caktuara. Gjithsesi, unë mendoj se sezonin e ardhshëm do të jetë sërish Interi favorit, pasi po blejnë një sulmues si Romelu Lukaku, i cili e ka treguar veten në Serinë A”.

Por si një ish-mbrojtës krahu, Brigel pranon se ka një dobësi për Teo Hernandezin: “Lojtar i madh dhe besoj se nuk ka shumë të tillë si ai në qarkullim. Shumë skuadra do ta donin një mbrojtës krahu si ai. Madje, në mendjen time do të kisha dashur ta shihja në aksion te Bajerni i Mynihut. Do t'u bënte shumë punë gjermanëve”. /CNA.AL





Lajmet e fundit nga