web counter
LEXO PA REKLAMA!

SHKARKO APP

App Store
Google Play

Blerja e bujshme e Bajernit të Mynihut, Sadio Mane merr numër... “rezervë”

27 Qershor 2022, 09:08, Sport CNA
Blerja e bujshme e Bajernit të Mynihut, Sadio Mane merr numër...
Sadio Mane - Bajern Mynih

Në pritje për t’u konfirmuar blerjet e Interit si Lukaku e Dibala apo edhe ato të Juventusit te Pogba e Di Maria, është Sadio Mane blerja më e madhe e kësaj vere, madje edhe më e fortë sesa ajo e pritshmja e Erling Halandit te Mançester Siti.

Sulmuesi senegalez la Liverpulin dhe nënshkroi me kampionët e Gjermanisë për 3 vitet e ardhshme (skadenca 30 qershor 2025), për një shumë prej 41 milionë eurosh, por dje afrikani, por mbi të gjitha Bajerni i Mynihut ka habitur me numrin që do të mbajë mbi shpatulla.

Zgjedhja ka rënë te 17-ta, ndonëse ky nuk është maksimumi i mundshëm për blerjen më të madhe të verës për një skuadër të madhe si bavarezët. Fundja, një numër i tillë është më i shpeshtë për rezervat e një skuadre, ndonëse te Bajerni e kanë mbajtur disa yje të së kaluarës si Zherom Boateng, Mark van Bomel e kristian Zige.

Gjithsesi, e rëndësishme është se për vetë Sadio Manenë 17-ta nuk është parë si një “ofendim”: “Mes numrave që ishin të lirë te Bajerni zgjodha 17-ën, me shpresën se ky numër do të më sjellë fat dhe trofe të rëndësishëm me skuadrën time të re. Tashmë u bë një javë që jam këtu dhe e vërteta është se po pres me padurim të nis këtë aventurë të re, me shokët e mi të skuadrës”, deklaroi bomberi i ri i rekordmenëve të Bundesligës.





Lajmet e fundit nga