web counter
LEXO PA REKLAMA!

SHKARKO APP

App Store
Google Play

Aromë lamtumire, Al-Khelaifi shkund Nejmarin: Shumë larg asaj që unë prisja

26 Qershor 2022, 21:10, Sport CNA

Te PSG-ja është një moment jo komod, edhe pse ata rimorën fronin në Ligën 1. Presidenti Naser Al-Khelaifi, pasi vendosi që të mbajë me një kontratë faraonike Kilië Mbapenë në Paris, tani ka nisur që të vlerësojë seriozisht të gjithë yjet e tjerë dhe nëse vlen apo jo që të vazhdojë bashkëpunimin me ta.

Pakënaqësitë janë jo pak, por ai që ka përfunduar dje në shënjestër është Nejmari dhe fjalët e bosit nga Katari ishin mjaft të forta. “Pres shumë nga të gjithë lojtarët e mi, prandaj për Nejmarin mund të them se nuk ka dhënë atë që duhej sezonin e kaluar. Kjo u vërtetua edhe nga fakti që pavarësisht se kemi mjaft emra të mëdhenj, nuk ishim sërish aq të zotët sa për t’i shkuar deri në fund Champions-it.

Gjithsesi, sezonin e ardhshëm objektivi i parë do të jetë që të gjithë lojtarët pa përjashtim të japin dyfishin e asaj që pashë në sezonin e kaluar, por në të njëjtën kohë dua edhe më shumë përgjegjësi.

Dua nga ata që të nderojnë fanellën tonë, por më pas të sillen edhe më profesionalisht, duke shmangur dëmtimet dhe shpesh edhe kartonët e kotë. Kjo përfshin Nejmarin, Mesin, këdo që është pjesë e PSG-së”, deklaroi Naser Al-Khelaifi, i cili konfirmon se diçka me brazilianin është krisur, siç nënvizojnë edhe zërat e javës së fundit, se Nejmar është nxjerrë në shitje për shifrën “modeste” 50 milionë euro.





Lajmet e fundit nga