web counter
LEXO PA REKLAMA!

SHKARKO APP

App Store
Google Play

E bujshme nga Anglia/ Skenar i ri për Brojën, Çelsi e ofron në shkëmbim për...

26 Qershor 2022, 13:51, Sport CNA
E bujshme nga Anglia/ Skenar i ri për Brojën, Çelsi e ofron
Armando Broja

Armando Broja është një nga lojtarët më të përforlur në Angli gjatë këtyre javëve, teksa e ardhmja e sulmuesit kuqezi mbetet ende në pikëpyetje.

Paraqitjet e tij me Sauthemptonin kanë qenë pozitive aq sa 20-vjeçari konsiderohet si një lojtar potencial për të dhënë kontributin e tij për Çelsin, por ofertat e  fundit në drejtim të sulmuesit mund të lëkundin drejtuesit e “Bluve të Londrës” që të mbushin arkën nga shitja e Brojës.

Mediat britanike tani kanë treguar një tjetër skenar të mundshëm. Skuadra e Tomas Tuhel mund të kërkojë shkëmbimin e Brojës me Declan Rice, futbollistin e Uest Hemit. “Çekanët” kanë shprehur dëshirën për të blerë lojtarin e Kombëtares së Shqipërisë, ndërsa në anën tjetër Tuhel kërkon Rice në “Stamford Bridge” dhe në të tilla kushte mund të aplikohet një formulë shkëmbimi me Çelsin që do të ofronte për Rice, Armando Brojën dhe Ross Barkley.

Për 23-vjeçarin e Uest Hemit ka interes dhe nga Mançester Junajtid dhe kampionët e Mançester Sitit, por tani në lojë futet edhe Çelsi. Fakti që Uest Hemi e ka në listën e dëshirave Brojën, mund të ndikojë në gjetjen e një marrëveshjeje për të kryer këtë operacion, që do të bënte që të gjitha palët të ishin të lumtura në fund. /CNA.AL





Lajmet e fundit nga