web counter
LEXO PA REKLAMA!

SHKARKO APP

App Store
Google Play

Ofertë konkrete Kristiano Ronaldos/ Roma dhe Koloseu presin “Perandorin e ri”

26 Qershor 2022, 11:57, Sport CNA

Pas largimit të Françesko Totit në 2017-ën, Roma është ende në kërkim të një Perandori të ri, për të rifituar disi bujën e viteve të shkuara.

Edhe pse me princër të vegjël si Zaniolo e Pelegrini arritën që të triumfojnë një muaj më parë në Tiranë kundër Fejnordit, sërish Liga e Konferencës është shumë pak për një emër të madh si Roma, prandaj këtë verë po mendohet diçka madhore, bombastike.

Sulm total për Kristiano Ronaldon, i shtyrë ky edhe nga marrëdhënia perfekte që ka me Zhoze Murinjon. Fundja, edhe në Maçester CR7 nuk do të ketë shansin që të luajë në Champions sivjet, por të paktën Italia kundrejt Anglisë i garanton atij që të kursejë një thes me miliona.

Sipas ligjit të vitit 2018 për punëmarrësit që vijnë nga jashtë kufijve, atyre u lejohet që të taksohen vetëm 100 mijë euro në vit, ndonëse mund të fitojnë miliona pa fund. Nëse kjo është pika e fortë e Romës për të joshur Ronaldon, klubi verdhekuq i ka bërë tashmë edhe llogaritë e tjera dhe ato që mund të përfitojë nga mbërritja e mundshme e CR7.

Nëse kujtojmë impaktin e tij te Juventusi, ai bëri të mundur që vlera e klubit të kalonte nga 400 në 560 milionë euro brenda vitit të parë. Ndjekësit në rrjetet sociale u rritën brenda muajit të parë nga 50 në 110 milionë, ndërsa sponsorët nisën të ziheshin për të hedhur miliona në Torino, me imazhin e Ronaldos.

Prandaj, nëse gjithçka shkon sipas planeve dhe Roma i ofron 20 milionë euro në vit për dy vitet e ardhshme, ndoshta Kristiano do të jetë Perandori i ri në Kolose. /CNA.AL





Lajmet e fundit nga