web counter
LEXO PA REKLAMA!

SHKARKO APP

App Store
Google Play

Angel di Maria nis të joshet nga “Zonja e Vjetër” e Italisë: Je më e rëndësishmja

26 Qershor 2022, 11:49, Sport CNA
Angel di Maria nis të joshet nga “Zonja e Vjetër” e
Angel di Maria

Angel di Maria duket se ka ende nevojë për disa ditë pushim, përpara se të mendojë që të zgjedhë skuadrën e tij të ardhshme, ndonëse për herë të parë argjentinasi pranon se ka nisur të joshet nga “Zonja e Vjetër” e Italisë. Në një intervistë për “ESPN”, sulmuesi 34-vjeçar ka komentuar disa prej fanellave të cilat ka mbajtur veshur dhe disa të tjera të cilat mund të jenë “lëkura e tij e dytë” në vazhdim.

“Eh, e dija... Juventusi është klubi më i madh në Itali, një prej skuadrave që është interesuar shumë për mua. E kuptoj rëndësinë, por për momentin po reflektoj, por në të njëjtën kohë dua të përqendrohem te pushimet me familjen”, ishte komenti për bluzën bardhezi. Ndërkohë, gazetari mundohet ta ngacmojë duke i treguar edhe fanellën e Romës, por Di Maria ia pret shkurt:

“Jo, kjo nuk më intereson”. Barcelona dihet se është tundimi tjetër i 34-vjeçarit dhe si në rastin e Juves, ai nuk e fshehu: “Barça është një prej klubeve më të mëdha në botë. Jam ndeshur shpesh kundër tyre, por në po aq raste më ka pëlqyer që një ditë të luaja edhe unë aty. Gjithsesi, kam kohë për të vendosur”, deklaroi ish-ylli i PSG-së.





Lajmet e fundit nga