web counter
LEXO PA REKLAMA!

SHKARKO APP

App Store
Google Play

E fundit!

x

Analiza e sezonit, Departamenti i Ekipeve Kombëtare mbledh trajnerët kuqezi të moshave

26 Qershor 2022, 11:29, Sport CNA

Departamenti i Ekipeve Kombëtare në FSHF zhvilloi sot një mbledhje me të gjithë trajnerët e ekipeve Kombëtare të moshave për të analizuar ecurinë e punës së zhvilluar në këtë sezon.

Të pranishëm në këtë mbledhje, përveç drejtuesve të departamentit, ishin anëtari i Komitetit Ekzekutiv, Abdyl Kuriu, eksperti i futbollit në këtë departament, Sulejman Mema, Drejtuesi i Sektorit të Edukimit, Alban Tafaji, trajneri i Kombëtares U-21, Alban Bushi, trajneri i Kombëtares U-19, Armando Cungu, trajneri i Kombëtares U-18, Ardi Behari, trajneri i Kombëtares U-17, Ervin Bulku, trajneri i Kombëtares U-16, Agron Kërçova, dhe trajneri i Kombëtares U-15, Armand Damo.

Në këtë mbledhje u zhvillua një analizë sezonale për të gjitha ndeshjet e ekipeve kombëtare që nga mosha U-15 e deri tek ajo U-21, teksa diskutimi u ndal në performancën ekipore dhe menaxheriale të shfaqur nga këto skuadra. Gjithashtu, në mbledhje u prek edhe një temë e rëndësishme për ndërtimin e një plani të unifikuar 3-vjeçar me objektiva specifikë për secilën grupmoshë.

Trajnerët dhe drejtuesit e Departamentit të Ekipeve Kombëtare folën edhe për problematikat dhe ku duhet drejtuar fokusi në të ardhmen për të përmirësuar nivelin e stërvitshmërisë së lojtarëve që në nivel klubesh, që kur të thirren në ekipet kombëtare, duke parë edhe kohën e shkurtër në dispozicion, të mos shfaqen problematikat që janë vërejtur në të kaluarën.

Të gjitha mendimet, sugjerimet e problematikat do të përmblidhen në një raport nga Drejtoria Teknike në FSHF për të vijuar një diskutim edhe më të gjerë me të gjitha grupet e interesit.





Lajmet e fundit nga