web counter
LEXO PA REKLAMA!

SHKARKO APP

E fundit!

x

Mançester Siti është i babëzitur, pas 100 milionëve për Halandin paguan 58 milionë euro për lojtarin e Lidsit

26 Qershor 2022, 17:37, Sport CNA

Ndërsa klube të tjera si Barcelona ngurrojnë që të paguajnë edhe 50 milionë euro për rekordmenin e Bundesligës, Robert Levandovski, i cili ka shënuar 150 gola në tri sezonet e fundit, Mançester Siti vazhdon që të bëjë blerje me shifra marramendëse.

Pas Erling Halandit nga Borusia e Dortmundit për 100 milionë euro (60 milionë euro për kartonin, plus 40 milionë komisione për babain e futbollistit dhe agjentët e tjerë), dje është arritur akordi për Kalvin Filips. Mesfushori i Lids Junajtid do të kalojë në radhët e qytetarëve për 58 milionë euro.

Ndërsa dy klubet kanë arritur akordin mes tyre, tani duhet vulosur vetëm akordi financiar me futbollistin, por e sigurt është që Filips do të jetë një lojtar i Sitit dhe brenda pak orësh do të vihet nën urdhrat e Pep Guardiolës.

26-vjeçari ishte një nga surprizat e Kombëtares së Anglisë në Europianin e vitit të kaluar, duke qenë titullar edhe në finalen e “Euro 2020”, të humbur në shtëpi nga “Tre Luanët” kundër Italisë.





Lajmet e fundit nga