E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Analiza e Kapelos: Lukakun se markon dot askush, me Pogbanë Juvja ka shanse për titull

26 Qershor 2022, 19:50, Sport CNA

Futbolli mund të shihet në shumë forma, por ai që mundohet të zgjerojë edhe më tepër horizontin në pritje të sezonit të ardhshëm të Serisë A është Fabio Kapelo. Një prej trajnerëve më fitues të të gjitha kohërave në Itali dhe Europë, tashmë opinionist në rrjetin “Sky Sport” në një intervistë për “Corriere” jep arsyetimet lidhur me disa nga temat më të nxehta të kësaj vere, duke u nisur nga eksperienca për të shitur që ka. Fabio, bëri mirë Lukaku që u rikthye tek Interi?

Kur një lojtar është ndier mirë diku, por më pas u eksitua nga 115 milionët që u dhanë për të nga Çelsi është diçka, por fakti që kërkon të rikthehet pasi e kuptoi se gaboi është diçka pozitive. Vetë lojtari e ka kuptuar gabimin dhe brenda tij ka nervozizëm pozitiv, ka dëshirë të tregojë gjëra, kërkon revanshin, sidomos që nuk u vlerësua tek ata që e mbuluan me miliona. Në Itali aktualisht nuk dimë që të mbrojmë më, nuk kemi njerëz që fizikisht mund të ndalojnë një mal me muskuj si Lukaku.

Prandaj e them me bindje se Interi është skuadra me armatimet më të rënda dhe favorite për titullin. Gjithsesi, të presim, pasi merkatoja nuk ka përfunduar ende. Po një si Dibala i duhet Interit? Interi e ka tashmë një strukturë skuadre të kompletuar dhe së fundmi duket se e kanë ndalur vrullin. Ndoshta kanë nisur të kenë ndonjë dyshim edhe pse për nga cilësitë që ka Dibala nuk mund të diskutohet.

Mund të bashkëjetojë me Lukakun dhe Lautaron? Unë te Roma luaja me Totin, Montelën dhe Batistutën. Varet nga sistemi i lojës, pasi pikësëpari është trajneri që duhet t’i suportojë. Nëse mbrojtja dhe mesfusha kuptojnë se ajo treshe sulmuese mund t’i dhurojë suksese të mëdha, të jeni të sigurt se ndjenja për t’u sakrifikuar nga dy repartet e tjera lind vetiu, edhe pse mund të duket diskriminuese.

Milani kampion në fuqi, mos ju duket disi me vonesë? Kanë ide, por deri tani nuk kam parë askënd që të nisë të hedhë idetë në letër. Kanë treguar se kanë një largpamësi, por fati i Milanit quhet “Maldini”, një person që është mësuar të fitojë. Dhe jo më kot ai di si ti transmetojë të gjithëve vazhdimësinë që, pasi ka fituar aq shumë tituj dhe kupa, saqë ata që e kanë përballë u lind natyrishëm ideja që të provojnë të ndjekin shembullin e tij. Origi do të jetë blerja e parë. Sipas jush do të bëjë mirë te Milani? Ka talent, ka luajtur pak, por për të flitet gjithmonë shumë mirë.

Gjithsesi, te Milani duhet të tregojë se është sërish ai lojtar që joshi Liverpulin për ta blerë dhe futbollisti i golave me peshë. Po Dibala-Milan si ju duket? Nuk e besoj, nuk arrij ta mendoj as me skepticizëm. Një mal me thashetheme dhe kaq. Belgu De Ketelere? Masara dhe Maldini kuptojnë nga futbolli dhe kanë vizion. Por edhe me ata të dy deri tani kanë qenë vetëm fjalë boshe, pasi kontratat nuk ia kanë rinovuar ende dhe ky është një gabim shumë i madh. Juventusi duket konfurz ndërkohë...

Mua jo. Juvja është ajo me idetë më të qarta. Kërkon të rikthehet të fitojë dhe po synojnë futbollistë me cilësi dhe eksperiencë. Pogba bën diferencën në mbrojtje dhe në sulm. Pas një sezoni e gjysmë larg nivelit të tij do të ketë shumë dëshirë për t’u rikthyer lojtari që të gjithë admironim. Në dimër është Botërori, prandaj jam i sigurt se lojtarët protagonistë si Pogbaja me kombëtaret e tyre do ta nisin me marsh të pestë sezonin. Trendi po ndryshon: Mbrojtësit kushtojnë shumë shtrenjtë, ndërsa sulmuesit po largohen gjithmonë e më shpesh me parametër zero.

Normale, pasi nuk ka mbrojtësa mbrojtësa në qarkullim. Imagjinojeni sesa do të kushtonin Barezit, Maldinit, Kanavarot, Turamrat e Nestat aktualisht. Gjithsesi përjashtuar skuadrat si Siti e PSG, jo shumë të tjera mund të shpenzojnë. Dhe të mendosh që sezonin e kaluar më të paguarit ishin Lukaku dhe Grilisht me nga 115 milionë secili. Çfarë zhgënjimi! Kjo shpjegon se duhet shumë kujdes kur bën merkato. Seria A sivjet nis vetëm me 5 trajnerë të rinj. Është faj i krizës apo i vazhdimësisë?

Pak nga të dyja. Presidentët pas pandemisë janë shumë herë më të kudjesshëm për të mos çuar dëm paratë dhe po nisin të vlerësojnë punën e bërë. Më parë ndërrohej shpesh edhe për kapriço. Të preferuarit e mi sezonin e kaluar ishin Italiano, që bëri gjëra të mëdha te Fiorentina, por edhe Tudor me Veronën dhe Juriç me Torinon. Pastaj Murinjo fitoi sërish, por atij që di duhet hequr kapelja është Pioli! /CNA.AL