web counter
LEXO PA REKLAMA!

SHKARKO APP

App Store
Google Play

Ceferin, "shuplakë" Klopit dhe Guardiolës: Ankohen se luajnë shumë, mos u duket vetja punëtorë fabrike këtyre?!

27 Qershor 2022, 10:10, Sport CNA
Ceferin, "shuplakë" Klopit dhe Guardiolës: Ankohen se
Guardiola - Ceferin - Klop

Aleksander Ceferin nuk kursehet kur është puna për të akuzuar dhe në një intervistën për “Gazzetta dello Sport”, presidenti i UEFA-s nuk u kursye të flasë për disa tema të nxehta, duke nisur nga ankesat në rritje të atyre që nënvizojnë se tashmë po luhet futboll pa pushim, me numrin e ndeshjeve gjithmonë e në rritje.

Dy ndër të parët që kanë akuzuar kanë qenë Pep Guardiola dhe Jyrgen Klop, respektivisht trajneri i Sitit dhe i Liverpulit në Angli, për të cilët Ceferini nuk e kafshon aspak gjuhën. “Është gjithmonë e lehtë të sulmosh FIFA-n dhe UEFA-n, por çështja është e thjeshtë: Nëse luan më pak, rrogat duhet të ulen.

Ndaj, unë pyes këta zotërinjtë: A janë gati të fitojnë më pak para edhe ata? Kujt duhet t'i ankohen punëtorët e fabrikës që fitojnë 1000 euro në muaj? Nuk e kuptoj revoltën e tyre, ndërkohë që përveç të vijnë ndoshta të flasin dhe të na japin ndonjë zgjidhje, e kanë shumë të lehtë të sulmojnë”. Ndërkohë, një tjetër temë e fortë ishte edhe mundësia që Italia të organizonte Europianin e vitit 2032, por Aleksandër Ceferin jep një goditje të fortë:

“Në Itali aktualisht nuk ka qoftë edhe një stadium të vetëm që të mund të presë një finale të Ligës së Kampioneve... E pabesueshme. Turqia është një rival i fortë për italianët, ndaj nëse nuk lëvizin...

Kam folur shumë me presidentin Gravina, por mendoj se nëse federata e di tashmë, unë shpresoj që të jetë qeveria italiane ajo që ta kuptojë se sa i rëndësishëm dhe sa fitime sjell organizimi i një Europiani apo Botërori. Prandaj unë i këshilloj që të vihen në punë, jo gjithmonë të sigurojnë një finale elitare dhe më pas shteti të vihet në punë dhe të nxjerrë paratë. Duhet të jesh gati për të pasur një shans të tillë”, përfundoi numri një i futbollit kontinental. /CNA.AL





Lajmet e fundit nga