web counter
LEXO PA REKLAMA!

SHKARKO APP

App Store
Google Play

Nga Interi tek Interi, Vidalit i bën ofertë... Dejvid Bekhami

27 Qershor 2022, 13:31, Sport CNA

Arturo Vidal do të largohet nga Interi, por në momentin që kilianit duket se i premtohet një skuadër, në sfond del një tjetër e cila e josh më shumë se ajo paraardhësja.

Pasi fillimisht ishte i fiksuar dhe i dedikonte shumë statuse në rrjete sociale Flamengos në Brazil, ishte Boka Zhuniors në Argjentinë që e ftoi dhe mesfushori zikaltër iu premtua, ndonëse kërkesat e tij ekonomike ishin të pamundura për ta. Por ndërkohë edhe oferta e tretë, pse jo mund të jetë edhe e vërteta, ka ardhur nga një tjetër Inter. Behet fjalë për Inter Majemin, që si ngjyra skuadre amerikanët kanë rozën dhe të zezën.

Dhe mbi të gjitha ndoshta ky është i vetmi klub në botë ku pronari është më i famshëm, më i pashëm dhe më i ndjekur sesa lojtarët e tij në rrjetet sociale.

Bëhet fjalë për Dejvid Bekhamin, i cili duke parë përforcimet që po bën sidomos Los Anxheles Galaksi me Kielinin e Bejlit, i ka kërkuar Vidalit që t’i bashkohet me një rrogë prej 4 milionë dollarësh në sezon. Por këtu qëndron edhe ngërçi më i madh, pasi “Mbreti Artur” kërkon 5.5 milionë dollarë, të njëjtën rrogë që fiton edhe ish-juventini Gonzalo Higuain. /CNA.AL





Lajmet e fundit nga