web counter
LEXO PA REKLAMA!

SHKARKO APP

App Store
Google Play

E fundit!

x

Guardiola: Na mungojnë këta katër lojtarë, ky Champions shumë i vështirë

22 Tetor 2024, 15:56, Sport CNA
Guardiola: Na mungojnë këta katër lojtarë, ky Champions
Pep Guardiola

Trajneri i Manchester City-t, Pep Guardiola, foli në një konferencë për shtyp në prag të ndeshjes së Champions League kundër Sparta Prague-s.

Trajneri sanjoll deklaroi se ekipi i tij është gjithmonë i gatshëm për të bërë mirë, pavarësisht momenti nga i cili vjen.

"Skuadra ka treguar shumë herë se është gati të harrojë momentet e mira apo të këqija shumë shpejt dhe të zhytet direkt në ndeshjen e radhës”-tha fillimisht ai.

Më tej, i pyetur për mungesat, tekniku i “citizens” shtoi se dashur që ndaj Sparta Prague-s vuajnë katër mungesa të rëndësishme.

"Ne do të preferonim të ishim të gjithë, por kemi katër mungesa të rëndësishme për momentin, Kevin de Bruyne, Kyle Walker, Rodri dhe Oscar Bobb. Dy prej tyre shpresojmë të kthehen së shpejti, Oscar mendoj në janar ose në shkur do të jetë gati”-vijoi ai.

Teksa, sa i përket objektivit në Champions League, Guardiola shtoi se ky edicion është shumë i vështirë, teksa theksoi se ndeshjet në shtëpi duhet t’i fitojnë nëse duan që të ecin përpara.

"Çdo javë ka ndeshje të pabesueshme. Jemi më shumë se 30 skuadra dhe vetëm tetë kualifikohen direkt në të 16-at, kështu që jam shumë i sigurt se do të jenë më të mirat. Ndeshjet që kemi në shtëpi duhet t’i fitojmë patjetër, përndryshe do të jetë e vështirë të përfundojmë në tetëshen e parë”-përfundoi Pep Guardiola.

Manchester City-Sparta Prague do të përballen këtë të mërkurë, duke nisur nga ora 21:00 në “Etihad Stadium”./CNA





Lajmet e fundit nga