web counter
LEXO PA REKLAMA!

SHKARKO APP

App Store
Google Play

Dortmund-i u frikësohet spiunëve, Ancelotti: Nuk ka sekrete, kam marrë informacione

22 Tetor 2024, 12:57, Sport CNA

Dortmund-i u frikësohet spiunëve, Ancelotti: Nuk ka sekrete, kam

Borussia Dortmund kërkon hakmarrjen ndaj Real Madrid-it. Dy ekipet do të përballen në raundin e tretë të Champions League, vetëm pak muaj pas finales së edicionit të kaluar që u mbyll me fitoren e madrilenëve.

Skuadrat që luajnë në transfertë, para ndeshjeve, zakonisht udhëtojnë një ditë më parë, për të zhvilluar stërvitjen zyrtare në stadiumin që do të luhet takimi. Megjithatë kjo nuk do të ndodhë me Dortmund-in.

Trajneri Nuri Sahin, ka vendosur që të mos zhvillojë stërvitjen në “Santiago Bernabeu”, për shkak se i frikësohet spiunëve.

Verdhezinjtë do të zhvillojnë stërvitjen e fundit në Gjermani, aty ku e kanë përgatitur ndeshjen në detaje dhe duan fitoren me çdo kusht.

Në lidhje me këtë foli edhe trajneri i Realit, Carlo Ancelotti, i cili deklaroi se ka informacion të mjaftueshëm për kundërshtarin.

“Futbolli ka ndryshuar. Ju dini gjithçka për ekipin rival, sepse mund t’i shikoni të gjitha ndeshjet e tyre. Nuk ka sekrete. Unë kam të dhëna të mjaftueshme për të vlerësuar ekipin rival.

Borusia ka ndryshuar, para së gjithash trajneri, por edhe disa lojtarë ruajnë të njëjtën ide për futbollin, i cili funksionon mirë dhe ka cilësi kolektive. Është një ekip intensiv, që luan mirë. Ne nuk jemi 100%, mendoj se kemi arritur një rezultat të mirë, por duhet të përmirësohemi në aspektin e lojës. Pak nga pak do ta bëjmë këtë.

Ne jemi duke punuar në aspektin mbrojtës. Në nivelin sulmues kemi shumë opsione dhe mundësi. Nuk pranojmë shumë gola, është e vërtetë, por rivalët tanë kanë mundësi për të shënuar. Kur jemi solidë dhe kompaktë, kemi shanse më të mira për t’i fituar ndeshjet.”, deklaroi Ancelotti.

Ndeshja mes Real Madrid dhe Borussia Dortmund, do të luhet në stadiumin “Santiago Bernanbeu”, duke nisur nga ora 21:00.





Lajmet e fundit nga