web counter
LEXO PA REKLAMA!

SHKARKO APP

App Store
Google Play

E fundit!

x

"Euro 2025" për vajza, Shqipëria humbet sulmuesen e Basel-it për dy ndeshjet me Norvegjinë

22 Tetor 2024, 09:47, Sport CNA
"Euro 2025" për vajza, Shqipëria humbet sulmuesen e Basel-it
Kombëtarja e vazjave, Burimi: FSHF

Shqipëria e vajzave ka nisur prej së dielës përgatitjet për dy ndeshjet vendimtare kundër Norvegjisë, të vlefshme për raundin e parë të Europianit “Zvicër 2025”.

Në drejtimin e trajnerit Armir Grima, skuadra kuqezi po kryen përgatitjet në qytetin e Shkodrës. Ekipi zhvilloi pasditen e së hënës seancën e radhës stërvitore, ndërsa grupit iu bashkuan edhe tri futbollistet Florentina Kuqi, Alma Hilaj dhe Aglia Iliadhi.

Departementi i Komunikimit në FSHF bën me dije se sulmuesja Qëndresa Krasniqi nuk do të jetë pjesë e ekipit kuqezi dhe nuk do të japë kontributin e saj në këto sfida për shkak të një dëmtimi që ka pësuar në ndeshjen e fundit të luajtur me klubin e Baselit.

Skuadra do të vijojë me përgatitjet deri pasditen e së enjtes. Ndeshja e parë do të luhet në Shkodër, më 25 tetor në orën 16:00 në stadiumin “Loro Boriçi” ndërsa takimi i dytë do të zhvillohet më 29 tetor, në stadiumin “Ullevaal” të Oslos, në orën 19:00.

Federata e Futbollit fton të gjithë tifozët shqiptarë të mbështesin Kombëtaren e vajzave në këto dy ndeshje mjaft të rëndësishme. Prania e tyre në stadiumin “Loro Boriçi” më 25 tetor do t’i jepte më shumë zemër ekipit për të kaluar me sukses këtë sfidë. Hyrja në stadium do të jetë falas./CNA





Lajmet e fundit nga