web counter
LEXO PA REKLAMA!

SHKARKO APP

App Store
Google Play

Stuttgart në sulm, Motta: Nuk mendojmë për Inter-in

22 Tetor 2024, 13:31, Sport CNA

Stuttgart në sulm, Motta: Nuk mendojmë për Inter-in

Juventus-Stuttgart, është një nga sfidat e rëndësishme të raundit të tretë në Ligën e Kampioneve. Në stadiumin “Allianz” në Torino, pritet një përballje e bukur dhe e luftuar nga të dyja ekipet, që duan me çdo kusht fitoren.

Italianët, kanë treguar formë të jashtëzakonshme në Champions këtë sezon, në dy raundet e para dhe synojnë të marrin suksesin e tretë radhazi.

Në prag të kësaj përballje, trajneri i Juventusit, Thiago Motta, vlerësoi maksimalisht kundërshtarin, duke thënë se i kanë hapur probleme edhe ekipeve të mëdha.

“Kushdo që do të luajë në fushë, do të japë 200% nga vetja. Për Interin do të mendojmë vetëm pas kësaj ndeshje. Stuttgarti ka vënë në vështirësi ekipe të mëdha si Bayern dhe Reali i Madridit. Luajnë futboll shumë të mirë, por ne jemi gati për t’iu hapur probleme.

Me fitoren ndaj Lajpcigut kam përjetuar një moment shumë të bukur. U përballëm me vështirësinë të bashkuar. Morëm një fitore të merituar. Megjithatë çdo ndeshje ka historinë e saj dhe ne jemi të fokusuar vetëm te përballja ndaj Stuttgartit“, u shpreh Motta.

Në krahun tjetër, trajneri i Stuttgart, Sebastian Hoenes, tha se skuadra e tij nuk ka shkuar në Itali për të luajtur në mbrojtje, por do të luajnë në sulm.

“Është gjithmonë e rëndësishme për ne që të kemi kontrollin e topit. Ashtu si ne në Bundesligë. Do të jetë interesante të shihet se kush do ketë më shumë topin. Duhet të sulmojmë sa më shumë përpara.

Juve është një ekip për t’u admiruar. E njoh mirë Serinë A. Unë shikoj shumë ndeshje dhe në Gjermani transmetojnë shumë prej tyre. Jam i impresionuar me skuadrën e Juventusit dhe paraqitjet. Nuk kanë shumë dobësi”, deklaroi Hoenes.

Ndeshja Juventus-Stuttgart, do të luhet mbrëmjen e kësaj të marte, duke nisur nga ora 21:00, në Torino.





Lajmet e fundit nga