web counter
LEXO PA REKLAMA!

SHKARKO APP

App Store
Google Play

Vala e të nxehtit/ Rekordi i ri i temperaturave, termometri shënon mbi 50 gradë celsius

14 Gusht 2023, 07:42, Sociale CNA

Vala e të nxehtit/ Rekordi i ri i temperaturave, termometri shënon mbi

Stacioni meteorologjik i Agadirit, në jug të Marokut, regjistroi të premten një temperaturë maksimale prej 50,4 gradë celsius, e cila konsiderohet një rekord i ri kombëtar, njoftoi dje Drejtoria e Përgjithshme e Meteorologjisë e Mbretërisë (GDM).

Rekordi i mëparshëm u vendos më 13 korrik në Samarra, Sahara Perëndimore, dhe ishte 49.9°C, sipas GDM.

Kjo ishte hera e parë që u regjistrua një temperaturë mbi pesëdhjetë gradë celsius në Marok, gjithmonë sipas shërbimit meteorologjik të mbretërisë.

Që nga fillimi i verës, i gjithë Maroku është goditur nga një sërë valësh të nxehti dhe ka shënuar temperatura rekord.

Vala e të nxehtit vjen si pasojë e masave ajrore të thata dhe të ngrohta nga jugu duke shkaktuar një rritje të dukshme të temperaturave, duke tejkaluar mesataren mujore me 5 deri në 13 gradë, veçanërisht në javën e së premtes 11 dhe të shtunën 12 gusht”, shpjegoi GDM në një deklaratë.

Zjarret në pyje i janë atribuar valës së të nxehtit ditët e fundit në pjesën veriore të vendit, pranë Tangierit dhe më në lindje, në provincën Taza. Këto zjarre, të përmasave të kufizuara, por të forcuara nga erërat e forta, shkaktuan dëme ose shkatërruan disa mijëra hektarë sipërfaqe pyjore, pa shkaktuar viktima.

Sipas shërbimit evropian Copernicus, korriku i vitit 2023 ishte më i ngrohti i regjistruar ndonjëherë në Tokë, duke tejkaluar me 0,33°C muajin që mbante titullin deri më tani (korrik 2019).

Për sa i përket Marokut, ky korrik ishte i katërti më i ngrohtë që nga viti 1961.

Megjithatë, GDM parashikon një rënie të lehtë të temperaturave në pjesën veriore të shtetit të Magrebit në ditët në vijim./ CNA





Lajmet e fundit nga