E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Si duhet të sillen gjyshet me nënat e reja

12 Gusht 2023, 18:53, Sociale Lira Gjika

“Këto mamatë e reja janë fare, nuk kujdesen për fëmijët. As që dëgjojnë edhe pse nuk dinë. Çuni jonë mbeti vetëm sëmurë. E ëma është e pakujdesshme si këto të rejat që e kanë mendjen te telefoni. Në vend që të kujdeset për çunin rri gjithë ditën në telefon.”

Ky refren i vjetër, që tashmë është pasuruar me telefon apo celular vazhdon nga kohët më të vjetra e deri sot.

Që të jesh një nënë e kujdeshme, e butë që nuk mërzitesh apo lodhesh, që nuk e sheh sakrificë rritjen e fëmijës, i duhet një vullnet i madh, pasi asnjë nga pretendimet për të rritur mirë fëmijën, nënat e reja nuk i kanë të jetuara, që të mund t’i përdorin me fëmijët e tyre.

Ato duhet ta mësojnë butësinë. Po ashtu të mos nxehen kur fëmija nuk do të hajë apo të mos i plotësojë një dëshirë pse qan. Nënat e reja janë rritur nga nëna që ishin të lodhura që në mëngjes dhe baballarët të përjashtuar nga mirërritja e fëmijës.

Kujtoni traditën tonë që fillon me fjalën sakrificë, vazhdon me konsiderimin e fëmijës “i vogël” që “nuk merr vesh”, të gënjyerit e fëmijës, ushqyerja me zor. Që babanë e quanin të pavlerë për mirërritjen ose “gogol”, kujtoni shprehjen “punë burrash”, “i thash babit”, e të tjera që nuk po vazhdoj t’i numëroj.

Këto nënat e reja që janë rritur me të shara e gënjeshtra, megjithatë po përpiqen të bëhen më të mira se nënat e tyre edhe pse shpesh ngatërrohen me “këmbët e tyre”.

Duhet pranuar që është shumë e vështirë të realizosh mirë një gjë që nuk e njeh apo di. Ende sot, shumë pak gjyshe janë në dispozicion të nënave të reja, që nuk i paragjykojnë ato apo ju kërkojnë të falur, që nuk kanë ditur t’i rrisin butë e pa i frikësuar kur i kishin fëmijë.

Përpiquni gjyshe pa fyer e mbetur hatri apo duke zbuluar të metat e një nëne të re, t’i ndihmoni ato që të nxjerin nga shpirti më të mirën, për fëmijet e tyre, mbesat dhe nipërit tuaj.