LEXO PA REKLAMA!

SHKARKO APP

Kapriçot e motit/ Si parashikohen temperaturat nesër

8 Qershor 2022, 19:49, Sociale CNA
Kapriçot e motit/ Si parashikohen temperaturat nesër
Foto ilustruese

Ashtu si sot, edhe për ditën e nesërme vendi ynë do të vijojë të jetë nën ndikimin e masave ajrore të paqëndrueshme dhe të lagështa me origjinë veriperëndimore.

Moti parashikohet me vranësira mesatare dhe të dendura por nuk do të mungojnë edhe intervalet e shkurtra me diell. Vranësirat do të shoqërohen me reshje shiu të herëpashershme me intensitet të ulët dhe mesatar në formën e shtrëngatave.

Sipas Shërbimit Meteorologjik Ushtarak, përgjatë ultësirës perëndimore, reshjet hera-herës do të jenë me intensitet deri të lartë në formën e rrebesheve dhe stuhive shoqëruar me breshër dhe rrufe.

Era do të fryjë me drejtim juglindje – jugperëndim me shpejtësi mesatare 1-6m/s, ndërsa përgjatë vijës bregdetare dhe zonat luginore, me rrahje dhe itensitet deri në 8-12m/s. Deti pritet të ketë forcë 1-2 ballë.

Temperaturat parashikohen:

në zona malore 12 deri 24°C

në zona e ulëta 13 deri 29°C

në zona bregdetare 16 deri 29°C./ B.A.- CNA.al

Lajmet e fundit nga