web counter
LEXO PA REKLAMA!

SHKARKO APP

App Store
Google Play

E fundit!

x

Provimet e Maturës Shtetërore/ Shtohet siguria për mbrojtjen e tezës, masat e marra

7 Qershor 2022, 16:23, Sociale CNA
Provimet e Maturës Shtetërore/ Shtohet siguria për mbrojtjen e
Foto ilustruese

Provimet e Maturës Shtetërore do mbahen pas 2 ditësh.

Rreth 33 mijë maturantë do u nënshtrohen provimeve, ndërsa Drejtoresha e Përgjithshme e Arsimit Parauniversitar, Rezarta Alla, ka njoftuar shtim të masave të sigurisë për të penguar një rrjedhje të mundshme të tezave me pyetje.

Këtë vit mësohet se do bëhet “ngujimi” i mësuesve të cilët do hartojnë tezat, bashkë me ta do izolohen edhe mësuesit të cilët do janë përcaktuar në administrimin e provimeve në ambientet e përcaktuara paraprakisht.

Drejtoresha e Përgjithshme e Arsimit Parauniversitar, Rezarta Alla bën të ditur se testi në total do të ketë 60 pikë, ku 20 pikë për pyetjet me alternativa dhe 40 pikë pyetjet me zhvillim. Për sa i përket nivelit të vështirësisë, 40% të pikëve të testit do të jenë nivel i parë, 40% niveli i dytë dhe 20% që do të bëjnë diferencën e maturantëve më të mirë, të cilët duan të arrijnë rezultate maksimale. Maturanti do të jetë kalues nëse merr minimumi 25% të pikëve të testit.

“Numri i maturantëve do të jetë gati 33 mijë. Do t’i bashkëngjiten dhe nxënësit mbetës nga vitet e kaluara. Në këtë maturë të 2022, risi është kthimi i një përvojë të së shkuarës. Brenda QSHA-së, në një periudhë të caktuar, do të ngujohen mësues që në bazë të një fondi pyetjesh të dërguar ndër vite nga mësues që janë bashkëpunëtorë të jashtëm të QSHA-së. Sigurisht mënyra e përzgjedhjes do të jetë në dorë të tyre në përputhje me zbatimin e planit orientues të Maturës Shtetërore. Ky proces do sigurojë përputhjen e testit me njohuritë që jepen te programi i Maturës Shtetërore. E rëndësishme është që teza do të sigurojë nivel”,- deklaron Drejtoresha e Përgjithshme e Arsimit Parauniversitar, Rezarta Alla.

Ajo sqaron se do të jenë 167 qendra testimi, të cilat do të mbikëqyren nga afro shtatë mijë administrues, të cilët veç përgjegjësisë kanë edhe penalitete në rast se nuk respektojnë rregullat e parashkruara.

Në fund, Alla thotë se vlerësimet e testeve do të bëhen brenda një kohe shumë të shkurtër, për t’u dhënë mundësinë edhe maturantëve që duan të studiojnë jashtë të kenë diplomat në duar në ditët e para të korrikut./CNA.al





Lajmet e fundit nga