LEXO PA REKLAMA!

SHKARKO APP

I nxehti afrikan "mbërthen" vendin/ Katër qarqe parashikohen si zonat më të nxehta

19 Korrik 2022, 08:10, Sociale CNA

I nxehti afrikan "mbërthen" vendin/ Katër qarqe parashikohen

Vendi ynë do të vijojë në ndikimin e masave ajrore me origjinë afrikane duke kushtëzuar mot të kthjellët dhe të nxehtë.

Orët e pasdites do të sjellin kalime vranësirash të lehta ku më të dukshme vranësirat do të jenë në zonat malore veriore dhe verilindore.

Zonat më të nxehta gjatë ditës së martë do të jenë qarqet, Elbasan dhe Gjirokastër ku priten edhe vlerat më të larta. Ky stabilitet i atmtosferës do të na shoqërojë edhe gjatë natës.

Temperaturat e ajrit do të rriten në mëngjes, por do të ulen në mesditë duke luhatur vlerat ditore nga 17°C deri në 39°C.

Era do të fryjë e lehtë dhe mesatare me shpejtësi mbi 30 km/h nga drejtimi perëndimor – veriperëndimor, për pasojë në brigjet detare do të krijohet dallgëzim deri në 2 ballë.

Ndërsa nesër, me 20 korrik 2022, sipas MeteoAlb, do të vijojë ndikimi i valëve të të nxehtit afrikan duke sjellë në vendin tonë temperatura të larta.

Moti do të jetë i kthjellët dhe me temperatura të larta, ku vlera më ekstreme priten në qarqet Shkodër dhe Berat.

Kthjellimet do të jenë dominante në të gjithë vendin, përjashtuar kalime vranësirash të lehta në zonat malore kryesisht gjatë orëve të pasdites. Edhe nata do të mbetet e kthjellët dhe e nxehtë.

Temperaturat e ajrit do të pësojnë një rritje të lehtë në mëngjes dhe në mesditë duke luhatur vlerat ditore nga 18°C deri në 40°C.

Era do të fryjë mesatarisht me shpejtësi 28 km/h nga drejtimi veriperëndimor, duke sjellë në brigjet detare dallgëzim të ulët./CNA.al

Lajmet e fundit nga