web counter
LEXO PA REKLAMA!

SHKARKO APP

App Store
Google Play

E fundit!

x

Zhurma rreth glutenit

18 Shtator 2023, 15:30, Shëndeti Ilir Allkja

Zhurma rreth glutenit

Një pacient, të cilin po e këshilloja të shmangte ushqimet me gluten më pyeti me shpoti:

- Po pse o doktor, gluteni nuk ishte problem 30 vjet më parë?

Ndërsa po i flisja për ndjeshmërinë e rritur, vazhduan pyetje të tipit:

-A reagojnë shumë njerëzit ndaj glutenit?

-A është thjesht një modë?

Nga kjo bisedë më lindi ideja e një statusi për ta ndarë me ju.

Ndjeshmëria nga gluteni është që duhet ta shqyrtojmë më nga afër.

Shumë vite më parë, njerëzit kanë ngrënë bukë gruri e produkte të tjera me gluten dhe nuk kanë pasur reaksione autoimune ose gjëra të tilla si sëmundja celiake.

Realisht, ka një rritje të ndjeshmërisë ndaj glutenit në popullatë dhe kjo nuk ka të bëjë shumë me gjenetikën tonë dhe me shumë nga praktikat tona bujqësore të prodhimit të drithërave, të cilave ne nuk mund t'u përshtatemi.

Por çfarë mund të bëjmë ne?

Shumë nga klientët e mi vuajnë nga një mori simptomash të bezdisshme si:

- Vështirësi në kontrollin e oreksit

- Lodhje kronike.

- Anemi nga mungesa e hekurit.

- Kruajtje të lëkurës, skuqje etj.

Zhurma rreth glutenit

- Ankth, pagjumësi, nervozizëm.

- Fryrje barku te vazhdueshme

- Dhimbje barku, të përziera, të vjella.

- Kapsllëk ose diarre

- Akne

- Dhimbje mesi, kyçesh.

Këshilla ime është e thjeshtë:

- provoni të hiqni plotësisht glutenin nga dieta juaj dhe shihni se si ndiheni pas 1 ose 2 muajsh.

Kjo kërkon pak planifikim, disiplinë dhe vetëpërgjegjshmëri, por mund ta bësh!

Nëse ndiheni më mirë, thjesht mund të zbuloni se keni një ndjeshmëri ndaj glutenit.

Mund të jetë gjithashtu simptoma që orientojnë për çekuilibër të florës së zorrëve dhe inflamacion, çekulibër hormonal, etj, në këto raste do të keni nevojë për kurim e shërim.

Ju duhet një konsultë e mirëfilltë mjekësore!

Ndajeni këtë shkrim me dikë që beson se gluteni është vetëm një modë!





Lajmet e fundit nga