web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ndihmon dhe çfarë pengon shërimin nga virozat stinore

14 Shtator 2023, 15:55, Shëndeti Ilir Allkja

Çfarë ndihmon dhe çfarë pengon shërimin nga virozat

Vjeshta vjen me uljen e temperaturave e janë të pashmangshme valët e virozave që tashmë kanë edhe COVID-19 bashkëshoqëruese.

Por fatmirësisht shumica e njerëzve që sëmuren nga këto viroza, përfshirë COVID-19 e kalojnë në këmbë ose janë në gjendje të shërohen në shtëpi.

Përkushtimi mbetet i njëjtë:

- marrja e lëngjeve, çajit, frutave, agrumeve

- konsumi i ushqimeve proteinike e vitaminike

- përdorimi i paracetamolit 3-4 herë në ditë për të lehtësuar ethet dhe dhimbjet.

Kur gjendja ju duket se nuk po shkon mirë, është e rëndësishme një vizitë mjekësore.

Shkencëtarët sot po vazhdojnë të punojnë shumë për të zhvilluar trajtime të tjera efektive që frenojnë shumëzimin e virusit.

Unë kam njohur shumë pacientë që janë trajtuar apriori me antibiotikë, ndërsa tashmë trajtohen për të korrigjuar dëmet që antibiotikët kanë shkaktuar në organizmin e tyre.

Po përse nuk duhen përdorur antibiotikët?

- antibiotikët nuk kanë asnjë rol ndaj viruseve në përgjithësi, as ndaj koronavirusit.

- antibiotikët krijojnë rezistencë ndaj mikrobeve, duke u kthyer në të padobishëm në rast nevoje.

- antibiotikët nxisin kolonitë e kërpudhave e mykrave në zorrë, lëkurë e kudo tjetër, duke e kthyer individin në bartës të përhershëm të tyre.

- antibiotikët dëmtojnë sisteme e organe në trupin tuaj, dhe duhet shumë kohë e para për t'i ndrequr.

Nëse jeni duke u trajtuar e shëruar në shtëpi, masat e mëposhtme mund t'ju ndihmojnë në zvogëlimin e simptomave:

- qëndroni në shtrat, duhet të pushoni në mënyrë që organizmi të marrë veten.

- qëndroni të hidratuar, merrni lëngje, kështu vaditen qelizat tuaja dhe eliminohen toksinat.

- për të ulur ethet dhe lehtësuar dhimbjet, merrni paracetamol.

Sigurohuni që të ndiqni udhëzimet e mjekut tuaj të besuar.





Lajmet e fundit nga