web counter
LEXO PA REKLAMA!

SHKARKO APP

App Store
Google Play

E fundit!

x

Të flesh mirë, të jetosh gjatë!

8 Tetor 2023, 15:27, Shëndeti Ilir Allkja

Të flesh mirë, të jetosh gjatë!

Shpesh dita nis me pyetjen rutinë "si fjete?". Gjumi dhe gjumi cilësor janë dy gjëra shumë të ndryshme. Të gjithë nuk ndihemi mirë në qoftë se nuk kemi fjetur mjaftueshëm apo kemi fjetur keq, duke shtuar në kosto një ditë pune pa efektivitet e ndonjëherë rraskapitëse.

Të gjithë ata që nuk arrijnë të flenë si dhe sa duhet kanë 3-4 nga simptomat e mëposhtme:

- Nervozizëm

- Lodhje gjatë ditës

- Një sistem imunitar të dobësuar

- Vështirësi në përqendrim 

- Shtim në peshë

- Ndryshime të papritura në humorin tuaj

- Nivelet e larta të tensionit të gjakut

- Funksionim joadekuat i indeve e organeve

- Dhe më e rënda, pasoja në jetëgjatësi.

Mënyra më e mirë për të fjetur mund të ndihmohet nëse provoni dhe ndiqni disa praktika të higjienës së gjumit.

Përveç ndryshimeve të mënyrës së jetesës, ka disa ushqime që nxisin gjumin në mënyrë natyrale!

Hani këto ushqime 2-3 orë para se të rrëshqisni mes çarçafëve:

1. Bajamet – janë një burim natyral i melatoninës

2. Arra – pêrveç se me melatoninë, përmbajnë acide yndyrore të larta (të mira) për t'ju ndihmuar të flini më gjatë, më mirë

3. Çaji i kamomilit – përmban apigeninë, një antioksidant i mirë për parandalimin e pagjumësisë

4. Frutat e kivit – të pasura me serotonin dhe antioksidantë për relaksim natyral

5. Lëng qershie apo çaj i bishtave të saj – një filxhan i vogël ofron shumë melatoninë që mund të ndihmojë nëse luftoni me pagjumësinë

Zgjidhni (n.q.s. është e mundur pozicionin e dhomës së gjumit larg zhurmave, rrugës etj.)

Mos mbani telefon, tablet, kompjuter, apo TV në dhomën tuaj të gjumit. Janë pajisje që shkatërrojnë gjumin tuaj të natës, ditën tuaj të punës, shëndetin.

Në qoftë se nuk arrini të flini pavarësisht kushteve të përmirësuara, kontaktoni me një mjek, mos lejoni që problemet tuaja të "trashen", të kronicizohen.





Lajmet e fundit nga