web counter
LEXO PA REKLAMA!

SHKARKO APP

App Store
Google Play

Çfarë janë valvulopatitë e zemrës?/ Kardiologu shpjegon simptomat, këshilla për pacientët

27 Korrik 2022, 10:26, Shëndeti CNA

Çfarë janë valvulopatitë e zemrës?/ Kardiologu

Kardiologu Dr. Shk. Alfred Nona ka folur sot për valvulat e zemrës.

I ftuar në “ABC e Mëngjesit”, ai ka shpjeguar çfarë janë ato dhe rëndësinë që kanë për shëndetin e çdokujt.

“Valvulat e zemrës shërbejnë për të drejtuar fluksin e gjakut, pra gjaku duhet të hyjë në një drejtim dhe duhet të dalë në një drejtim tjetër pa u kthyer mbrapsht. Edhe ky drejtim përcaktohet nga gradienti presor që krijohet në dhomat e ndryshme të zemrës. Pra, funksioni i valvulave është mos të kthejë gjakun mbrapsht. Edhe nëse kjo nuk ndodh, pra kemi problematika tek ecja përpara e gjakut apo rrjedhja mbrapsht jemi në fushën e valvulopative, në fushën e problemit të valvulave. Ne kemi 4 valvula në zemër, 2 në anën e djathtë dhe 2 në anën e majtë. Këto valvulat e anës së majtë janë më të rëndësishmet, pasi preken më shpesh, valvula mitrale dhe aorta”, tha Nona.

Më tej, kardiologu ka treguar simptomat që japin problemet me valvulat e zemrës, në varësi të fazës në të cilën ndodhemi.

“Valvulat kanë një periudhë latence shumë të gjatë. Ne mund të kemi problem valvular të lehtë që shkon në mesatar dhe në të rëndë. Edhe në këtë hark kohor mund të zgjasë 20-30 vjet. Duhet thënë që valvulopatit e lehta nuk japin asnjë simptomë. Pacientet stresohen, humbasin kohë edhe harxhohen për të ndjekur problematika që në thelb janë te lehta dhe nuk kanë për t’i dhënë asnjëherë probleme të zemrës edhe individit në tërësi. Edhe nëse problemi në valvul është mesatar (p.sh. insufience mitrale mesatare) është shumë e vështirë te japë simptoma edhe nëse e ekzagjerojmë me sforcime, mund të japë simptoma nëse janë dy valvula njëherësh me problem mesatar ose valvul mesatare bashkangjitur koronaropati apo probleme të tjera kardiake. Dëmtimi i rëndë (sinonime: sever, serioz) i valvulave zakonisht jep simptoma edhe pse edhe në këtë kategori pacientesh mund mos të ketë simptoma derisa adaptimi dhe mekanizmat mbrojtës të dhomave të zemrës mundohen t'i bëjnë ballë deri diku dëmtimeve në valvula. Është mirë që problemet të zgjidhen kur valvulopatitë janë të rënda pa arritur të dëmtohet zemra në vetvete duke shtuar jetëgjatësine pacientit edhe cilësinë e jetës gjithashtu.”, u shpreh ndër të tjera Nona.





Lajmet e fundit nga