web counter
LEXO PA REKLAMA!

SHKARKO APP

App Store
Google Play

Lia e majmunëve, emergjencë globale?/ OBSH vendos sot

21 Korrik 2022, 09:44, Shëndeti CNA
Lia e majmunëve, emergjencë globale?/ OBSH vendos sot
Foto ilustruese

Organizata Botërore e Shëndetësisë do të vendosë sot nëse do ta shpallë linë e majmunëve një emergjencë shëndetësore globale, duke nxitur kritika nga shkencëtarët afrikanë që shprehen se kjo sëmundje përbën prej vitesh një krizë shëndetësore në kontinentin e tyre.

Diskutimet dhe shqyrtimi i përgjigjes së OBSH-së ndaj shpërthimit të sëmundjes pasojnë shqetësimet se si agjencia e Kombeve të Bashkuara dhe qeveritë në mbarë botën trajtuan COVID-19 në fillim të vitit 2020.

Me 23 qershor, OBSH mblodhi një komitet urgjent ekspertësh për të vendosur nëse lia e majmunëve përbën një të ashtuquajtur Emergjencë të Shëndetit Publik të Shqetësimit Ndërkombëtar (PHEIC) – niveli më i lartë i alarmit të agjencisë shëndetësore të OKB-së.

Nëse komiteti këshillon Tedros se përhapja përbën një PHEIC, ai do të propozojë rekomandime të përkohshme se si të parandalohet dhe reduktohet më mirë përhapja e sëmundjes dhe të menaxhohet reagimi global i shëndetit publik.

Sëmundja virale, e cila shkakton simptoma të ngjashme me gripin dhe acarim të lëkurës, është përkufizuar si endemi në disa pjesë të Afrikës. Kontinenti ka regjistruar rreth 1500 raste të dyshuara që nga fillimi i vitit 2022, nga të cilat 66 prej tyre kanë rezultuar me pasojë vdekjen, sipas të dhënave zyrtare./CNA.al





Lajmet e fundit nga