LEXO PA REKLAMA!

SHKARKO APP

Infeksionet nga pishinat/ Këshillon dermatologia: Çfarë duhet të dinë qytetarët

24 Korrik 2022, 16:19, Shëndeti CNA
Infeksionet nga pishinat/ Këshillon dermatologia: Çfarë duhet
Foto ilustruese

Me ardhjen e verës dhe rritjen e temperaturave, disa qytetarë u janë drejtuar plazheve, e ndërsa disa të tjerë pishinave.

Por ashtu si për çdo vit, edhe në këtë verë shqetësim janë infeksionet që qytetarët marrin në pishina, e për këtë ka folur sot për "Report Tv" mjekja dermatologe, Erjona Shehu.

Dermatologia ka dhënë disa këshilla për të gjithë frekuentuesit e pishinave.

“Problemi kryesor janë infeksionet e lëkurës që shkaktohen nga pishinat, të cilat mund të shfaqen në trajtën e puçrrave të vogla. Kjo tregon se kemi një shtim të pranisë mikrobike. Përgjithësisht ndodh kur uji i pishinës nuk është pastruar ashtu siç duhet. Duhet shpëlarje e trupit para se të frekuentojmë pishinën. Për fëmijët e vegjël duhen pelena për pishina që kryerja e nevojave të tyre në mënyrë të pavullnetshme mos të ndodhë.

Rekomandohet që mos të ushqehemi kur jemi brenda në pishinë, që mos të kontaminojmë ujin. Rekomandohet edhe për produktet që përdorim para se të fusim në pishinë. Gjithashtu rekomandohet që pantoflat e pishinës të jenë të mirajrosura që të evitojmë kontaminimin e thonjve të këmbës apo lëkurës nga infeksione që gjenden në këto ambiente”, ka theksuar Shehu./ B.A. – CNA.al

Lajmet e fundit nga