Çfarë është stërvitja e mendjes/ Si ta praktikoni?

15 Maj 2024, 09:14, Shëndeti CNA

Sipas të dhënave gjatë pandemisë 4 në 10 të rritur kanë shfaqur simpatoma depresioni apo çrregullime ankthi.

Ky raport ka qenë 1 në 10 gjatë vitit 2019 dhe një arsye e rritjes evidetohet të jetë pikërisht pandemia Covid-19.

Mënyrat e kurimit të këtyre sëmundjeve nisin që nga ato induvidualet deri tek ato më mjekësoret ku ju mund të konsultoheni me mjekët prikologë apo psikiatër. Megjithatë për t’u ndier më mirë e për të lehtësuar simptomat e ankthit dhe depresionit mund të bëni disa përpjekje të suksesshme edhe vetë.

Ekspertët këshillojnë të stërvisni mendjen, njëjtë siç mund të bëni me trupin. Mjafton të filloni nga disa hapa të thjeshtë, të cilët do t’jua shpjegojmë në vijim.

Stërvitja e trurit

Sipas psikologut Sutton Smith, lojërat janë një mënyrë e mirë për të mbajtur trurin në formë e për të larguar depresionin. Sipas tij lojërat qoftë ato elektroniket apo të tjera kanë një efekt pozitiv në tru. Kur luani një lojë aktivizohen shumë zona të trurit që lidhen me qëllimet dhe të mësuarin e motivimin.

Kështu që për të pasur një mendje të shëndetshme, larg depresionit dhe ankthit provoni që të luani një lojë. Qoftë në kompjuter, telefon apo zgjidhja e një fjalëkryqi, sudoku, një pazëll, domino, shah apo lojëra të tjera që vënë në punë mendjen. Sa më shumë të luani lojëra dhe të gjeni një zgjidhje për to aq më shumë konfidentë dhe besimplotë do të jeni në mënyrën se si ndiheni për veten.

Evitoni krahasimet

Krahasimet me të tjerët nuk janë ajo çfarë duhet të bëni për t’u ndier më mirë.

Ato shpesh janë vetëm imagjinare dhe ju bëjnë të ndiheni keq me veten ndaj evitojini sa të keni mundësi.

Motivimi i vetes është një mënyrë shumë e mirë për të dalë nga depresioni dhe ankthi.

Për të arritur këtë duhet të kuptoni që nuk jeni në garë me askënd tjetër përveç vetes suaj.

Merruni me gjërat që keni pasion, krijoni hobi ose përkushtohuni skoma më shumë tek ata ekzistuesit.

Mësojeni trurin tuaj të gëzohet me gjërat e vogla dhe ndihuni të lirë të shpreheni.

Psikoterapia

Këshillimi mjekësor ose psikoterapia janë shumë të rekomanduara për t’u ndier mirë në rast se vuani nga këto çrregullime.

Në një studim të publikuar në "Journal of Personality" thonë se mënyra më e mirë për të larguar emocionet negative është të mundoheni të qetësoni veten edhe nëse dikush po ju mërzit.

Për shembull mund të numëroni deri në 10 ose të përsërisni me vete një frazë ose mendim që ju qetëson.

Kjo mënyrë do t'ju mësojë si të kontrolloni emocionet negative në mënyrë që të mbroni mendjen tuaj./AgroWeb.org