Njihuni me 8 kurat natyrale që ju ndihmojnë të reduktoni shqetësimet në stomak

14 Maj 2024, 18:04, Shëndeti CNA

Njihuni me 8 kurat natyrale që ju ndihmojnë të reduktoni

Foto ilustruese

Të gjithë përjetojmë një shqetësim në stomak në një moment të jetës. Në shumicën e rasteve nuk është diçka serioze dhe mund të trajtohet me përbërës natyralë, që i keni në kuzhinën tuaj.

Shkaqet më të zakonshme të shqetësimeve në stomakut janë, gazrat, fryrjet, refluksi gastroezofageal ose dispepsi, intoleranca ushqimore, kapsllëku dhe diarreja.

Por, përpara se të shkoni në farmaci për të kërkuar ndonjë ilaç edhe nëse simptomat janë të lehta provoni zgjidhje të thjeshta, natyrale, të cilat mund të bëjnë reduktojnë shqetësimet e stomakut:

Xhenxhefili

Një ilaç natyral për dhimbjen e stomakut, xhenxhefili qetëson sistemin nervor dhe muskujt e stomakut, ndihmon në tretje, dhe redukton të përzierat. Mund të përdoret në formë çaji.

Ushqimet probiotike

Kosi, kefiri, lakra turshi, kimchi, kombucha, tempeh dhe miso janë ushqime të pasura me probiotikë që ndihmojnë në balancimin e florës së zorrëve dhe lehtësojnë shqetësimet e stomakut.

Ushtrimet e jogës

Studimet kanë treguar se ushtrimet e jogës ndihmojnë në reduktimin e simptomave të zorrës së irrituar dhe të fryrjes së stomakut.

Pirja e ujit

Pirja e mjaftueshme e ujit është një zgjidhje e thjeshtë por efektive për të mbajtur stomakun e shëndetshëm.

Shmangja e alkoolit dhe pijet e gazuara

Alkooli dhe pijet e gazuara mund të ndikojnë negativisht në stomak, duke nxitur refluksin e acidit dhe fryrjen.

Shmangja e duhanit

Pirja e duhanit mund të shkaktojë probleme në sfinkterin e ezofagut dhe të rrisë ndjenjën e aciditetit në stomak.

Zvogëlimi i konsumimit të produkteve që përmbajnë laktozë

Njerëzit me intolerancë ndaj laktozës duhet të kufizojnë ose të hiqen dorë nga produkte si qumështi dhe kosi për të lehtësuar tretjen e stomakut.

Shmangja e shtrirjes menjëherë pas vaktit të darkës

Shtrirja menjëherë pas vaktit të darkës mund të shkaktojë probleme në tretje dhe duhet shmangur.

Këshillohet që nëse simptomat vazhdojnë ose përkeqësohen, të konsultoheni me një specialist për trajtimin e duhur. Nëse shoqërohen me simptoma të tjera si ënjtje, temperaturë, të përziera ose të vjella, këshilla e mjekut është e nevojshme./ CNA