web counter
LEXO PA REKLAMA!

SHKARKO APP

App Store
Google Play

Arsyet, pse duhet të reduktoni kripën

16 Maj 2024, 18:00, Shëndeti CNA

Arsyet, pse duhet të reduktoni kripën

Një arsye tjetër serioze për të reduktuar kripën ka të bëjë me stomakun tonë.

Studimi i ri nga Universiteti i Vjenës sugjeron se kufizimi i konsumit të kripës nuk duhet të konsiderohet vetëm si një masë për mbrojtjen e zemrës, por edhe si një mjet për të parandaluar kancerin e stomakut.

Hulumtuesit zbuluan se përdorimi i tepërt i kripës në vakte shoqërohet me një rrezik 41% më të lartë për të zhvilluar kancer në stomak, krahasuar me ata që përdorin kripën në sasi modeste.

Kjo lidhje është zbuluar për herë të parë në Perëndim, duke u bazuar në të dhënat e analizuar nga mbi 470,000 të rritur.

Megjithëse studimi ishte vëzhgues, ka sugjerime se konsumimi i tepërt i kripës mund të dëmtojë shtresën mbrojtëse në stomak dhe të çojë në mutacione kanceroze.

Rekomandimet e studiuesve për reduktimin e konsumit të kripës përveç qëndrimit nën 2300 mg natrium ditë për ditë, janë në përshtatje me rekomandimet e FDA-së.

Shoqata Amerikane e Kancerit përcakton se në vitin 2024 pritet të diagnostikohen rreth 26,890 raste të reja të kancerit të stomakut, ku rreth 10,880 nga të sëmurët pritet të vdesin.

Studiuesit shpresojnë që me rezultatet e tyre të sensibilizojnë publikun në lidhje me rrezikun e konsumit të tepërt të kripës dhe të ofrojnë baza për masat preventive kundër kancerit të stomakut./ CNA





Lajmet e fundit nga